QR Code

ایم کیو ایم کو کراچی کی عوام نے مسترد کر دیا ہے، سینیٹر عاجز دھامراہ

20 Jul 2017 18:22

پی ایس 114 کی نشست پر نومنتخب ایم پی اے سعید غنی کی جیت کا نوٹیفکیشن جاری ہونے پر انہیں مبارکباد پیش کرتے ہوئے پیپلز پارٹی سندھ کے سیکریٹری اطلاعات نے کہا کہ کراچی کی عوام اب ان ٹھپہ اور بھتہ مافیا کیخلاف اٹھ کھڑی ہوئی ہے، اب ایم کیو ایم کو عوامی مینڈیٹ نہیں چرانے دیا جائیگا، آئندہ وزیراعظم بلاول بھٹو زرداری ہونگے۔

اسلام ٹائمز۔ پیپلز پارٹی سندھ کے سیکریٹری اطلاعات سینیٹر عاجز دھامراہ نے پی ایس 114 کی سیٹ پر نومنتخب ایم پی اے سعید غنی کی جیت کا نوٹیفکیشن جاری ہونے پر انہیں مبارکباد پیش کی۔ اپنے بیان میں سینیٹر عاجز دھامراہ نے کہا کہ ایم کیو ایم جتنے بھی اوچھے ہتھکنڈے استعمال کرلے، کراچی کے عوام نے انہیں مسترد کر دیا ہے اور اس کا بات واضح ثبوت پی ایس 114 میں پیپلز پارٹی کے امیدوار سعید غنی کی کامیابی سے باخوبی لگایا جا سکتا ہے۔ انہوں نے کہا کہ 2018ء کے الیکشن میں پاکستان پیپلز پارٹی کراچی سے واضح اکثریت کے ساتھ کامیابی اور کامرانی سے ہمکنار ہوگی، کراچی کی عوام اب ان ٹھپہ اور بھتہ مافیا کے خلاف اٹھ کھڑی ہوئی ہے، اب ایم کیو ایم کو عوامی مینڈیٹ نہیں چرانے دیا جائیگا۔ انہوں نے کہا کہ پیپلز پارٹی عوامی طاقت سے مرکز اور صوبوں میں حکومت بنائے گی اور آئندہ وزیراعظم چیئرمین پاکستان پیپلز پارٹی بلاول بھٹو زرداری ہونگے۔

خبر کا کوڈ: 654735