QR Code

قوم کو متحد ہو کر 1947ء جیسی یکجہتی کا مظاہرہ کرنا ہو گا، مسعود خان

14 Aug 2017 09:03

پاکستان کے یوم آزادی پر اپنے پیغام میں صدر آزاد ریاست کا کہنا تھا کہ پاکستان کے ساتھ ہمارا الحاق حتمی ہے۔ اس پر کوئی سمجھوتہ نہیں ہو سکتا ہمارے جذبوں، سوچ اور روح میں نظریہ پاکستان رچا بسا ہے۔

اسلام ٹائمز۔ صدر آزاد جموں و کشمیر سردار محمد مسعود خان نے یوم آزادی کے موقع پر اپنے پیغام میں کہا ہے کہ ملک اندرونی و بیرونی سازشوں کا شکار ہے، قوم کو متحد ہو کر 1947ء جیسی یکجہتی کا مظاہرہ کرنا ہو گا۔  پاکستان کا قیام دو قومی نظریہ کا مرہون منت ہے، پاکستان کے ساتھ ہمارا الحاق حتمی ہے۔ اس پر کوئی سمجھوتہ نہیں ہو سکتا ہمارے جذبوں، سوچ اور روح میں نظریہ پاکستان رچا بسا ہے۔ انھوں نے کہا کہ پاکستان داخلی اور خارجی سازشوں کا شکار ہے پوری کشمیری قوم پاکستان کی بقا اور سلامتی کیلئے کسی بھی قربانی سے دریغ نہیں کرے گی۔ اس وقت ہمیں مکمل اتحاد اور اتفاق کی ضرورت ہے۔

خبر کا کوڈ: 661011