QR Code
سیاسی و مذہبی رہنماؤں کا امریکن قونصل خانے کے باہر احتجاج
امریکی قونصل خانے کا سیاسی و مذہبی رہنماؤں کے ساتھ ہتک آمیز سلوک
30 Aug 2017 20:16
رہنماؤں نے امریکہ کیخلاف شدید احتجاج کرتے ہوئے امریکی صدر کے پاکستان مخالف بیانات اور جنوبی ایشیاء پالیسی کیخلاف شدید احتجاج کرتے ہوئے پاکستان زندہ باد اور امریکہ مردہ باد کے نعرے لگائے۔ واضح رہے کہ اس موقع امریکی قونصل خانے کے امریکی عملہ کیجانب سے سیاسی و مذہبی جماعتوں کے رہنماؤں کیساتھ بدترین اور ہتک آمیز سلوک کیا گیا، جس پر تمام سیاسی و مذہبی جماعتوں کے رہنماؤں نے بھرپور احتجاج کیا۔
اسلام ٹائمز۔ امریکی صدر کے پاکستان کے خلاف توہین آمیز بیانات کے ردعمل میں کراچی میں امریکن قونصل خانے کے باہر سیاسی و مذہبی جماعتوں کے رہنماؤں نے احتجاج کیا، احتجاج کی قیادت پاکستان پیپلز پارٹی کے سینیئر رہنما پروفیسر این ڈی خان اور پاکستان مسلم لیگ (ق) سندھ کے جنرل سیکرٹری سید طارق حسن نے کی۔ اس موقع پر پاکستان تحریک انصاف کے رکن سندھ اسمبلی خرم شیر زمان، پی پی پی کے رہنما نجمی عالم، جماعت اسلامی کراچی کے امیر حافظ نعیم الرحمان، فلسطین فاؤنڈیشن پاکستان کے سیکرٹری جنرل صابر ابو مریم، متحدہ قومی موومنٹ پاکستان کے کامران احمد، پاکستان سنی تحریک کے مرکزی رہنما شاہد غوری، پاکستان مسلم لیگ (ق) کے کنور ارشد سمیت بلال قادری اور دیگر موجود تھے۔ اس موقع پر رہنماؤں نے امریکہ کے خلاف شدید احتجاج کرتے ہوئے امریکی صدر کے پاکستان مخالف بیانات اور جنوبی ایشیاء پالیسی کے خلاف شدید احتجاج کرتے ہوئے پاکستان زندہ باد اور امریکہ مردہ باد کے نعرے لگائے۔ واضح رہے کہ اس موقع امریکی قونصل خانے کے امریکی عملہ کی جانب سے سیاسی و مذہبی جماعتوں کے رہنماؤں کے ساتھ بدترین اور ہتک آمیز سلوک کیا گیا، جس پر تمام سیاسی و مذہبی جماعتوں کے رہنماؤں نے بھرپور احتجاج کیا۔
خبر کا کوڈ: 665971