QR Code

امریکہ جنگ کے ذریعے افغانستان میں کامیابی حاصل نہیں کرسکتا

دہشتگردوں کی محفوظ پناہ گاہیں پاکستان میں نہیں افغانستان میں ہیں، خواجہ آصف

بھارت افغانستان کے راستے پاکستان میں مداخلت کر رہا ہے

27 Sep 2017 09:05

نیویارک میں ایشیاء سوسائٹی سے خطاب کرتے ہوئے پاکستانی وزیر خارجہ کا کہنا تھا کہ افغانستان کے مسائل کا ذمہ دار پاکستان کو قرار دینا درست نہیں ۔مؤثر بارڈرمینجمنٹ انتہائی ضروری ہے۔ انہوں نے کہا کہ امریکہ جنگ کے ذریعے افغانستان میں کامیابی حاصل نہیں کرسکتا۔ کئی افغان رہنماء مفادات کیلئے کشیدگی جاری رکھنا چاہتے ہیں۔

اسلام ٹائمز۔ وزیر خارجہ خواجہ آصف نے کہا ہے کہ افغانستان میں امن اور سکیورٹی کی ذمہ داری نہیں لے سکتے۔ دہشتگردوں کی محفوظ پناہ گاہیں پاکستان میں نہیں افغانستان میں ہیں۔ ہمارے روس اور مغرب سے اچھے تعلقات ہیں۔ نیویارک میں ایشیاء سوسائٹی سے خطاب کرتے ہوئے وزیر خارجہ خواجہ آصف نے کہا کہ افغانستان کے مسائل کا ذمہ دار پاکستان کو قرار دینا درست نہیں ۔مؤثر بارڈرمینجمنٹ انتہائی ضروری ہے۔ انہوں نے کہا کہ امریکہ جنگ کے ذریعے افغانستان میں کامیابی حاصل نہیں کرسکتا۔ کئی افغان رہنماء مفادات کے لئے کشیدگی جاری رکھنا چاہتے ہیں۔ انہوں نے بھارت پر الزام عائد کرتے ہوئے کہا کہ بھارت کشمیریوں کی حق خود ارادیت کے لئے کی جانے والی جدوجہد کو دہشت گردی قرار دیتا آیا ہے۔ بھارت افغانستان کے راستے پاکستان میں مداخلت کر رہا ہے۔ وزیر خارجہ نے مزید کہا کہ بھارت میں 66 سے زیادہ دہشت گرد تنظیمیں ہیں، نریندر مودی اب تک گجرات سے باہر نہیں نکل سکا۔

خبر کا کوڈ: 672301