QR Code

پختونخوا حکومت کیجانب سے صوبہ بھر کے ہسپتالوں میں سینئر سٹیزن وارڈقائم کرنیکی ہدایات

15 Oct 2017 20:23

سیکرٹری صحت کیجانب سے ہسپتالوں کے سربراہوں اور ڈی ایچ اوز کو جاری مراسلے میں کہا گیا ہے کہ سینئر سٹیزن ایکٹ 2014ء صوبے بھر میں لاگو ہے، لہٰذا قانون کے تحت عمل درآمد کو یقینی بنایا جائے، علاوہ ازیں بزرگ شہریوں کو ادویہ اور علاج کے اخراجات میں بھی رعایت دینے کی منصوبہ بندی کی گئی ہے۔

اسلام ٹائمز۔ خیبر پختونخوا حکومت نے صوبے بھر کے ہسپتالوں میں 60 سال اور اس سے زائد عمر کے افراد کیلئے الگ کاؤنٹر اور وارڈز قائم کرنے کی ہدایت کردی ہے۔ سیکرٹری صحت کی جانب سے ہسپتالوں کے سربراہوں اور ڈی ایچ اوز کو جاری مراسلے میں کہا گیا ہے کہ سینئر سٹیزن ایکٹ 2014ء صوبے بھر میں لاگو ہے لہٰذا قانون کے تحت عمل درآمد کو یقینی بنایا جائے۔ علاوہ ازیں بزرگ شہریوں کو ادویہ اور علاج کے اخراجات میں بھی رعایت دینے کی منصوبہ بندی کی گئی ہے۔ اس سلسلے میں گذشتہ روز محکمہ صحت کی جانب سے صوبے کے تمام تدریسی اور ڈسٹرکٹ ہیڈکوارٹر ہسپتالوں کو مراسلہ جاری کیا گیا ہے۔ مراسلے میں واضح کیا گیا ہے کہ جن ہسپتالوں کے پاس الگ وارڈز کی گنجائش نہیں وہاں پر بستر مختص کئے جائیں اور او پی ڈی میں ان کیلئے الگ کاؤنٹر قائم کئے جائیں۔

خبر کا کوڈ: 676785