QR Code

حق خودارادیت لئے بغیر چین سے نہیں بیٹھیں گے، عبدالمجید ملک

7 Nov 2017 08:49

مسلم کانفرنس کے مرکزی سیکرٹریٹ میں منعقدہ سیمینار سے خطاب کرتے ہوئے حریت رہنما کا کہنا تھا کہ 6 نومبر 1947ء کو لاکھوں کشمیریوں کو دھوکے سے شہید کیا گیا۔ اقوام متحدہ کشمیریوں کو انصاف دلائے اور اپنی منظور کی گئی قراردادوں پر عملدرآمد کروائے۔

اسلام ٹائمز۔ حریت رہنما عبدالمجید ملک اور سیکرٹری جنرل مسلم کانفرنس مہرالنساء نے کہا کہ مسئلہ کشمیر کا حل کشمیریوں کی خواہشات کے مطابق ہونا چاہیے۔ 6 نومبر 1947ء کو لاکھوں کشمیریوں کو دھوکے سے شہید کیا گیا۔ اقوام متحدہ کشمیریوں کو انصاف دلائے اور اپنی منظور کی گئی قراردادوں پر عملدرآمد کروائے۔ ان خیالات کا اظہار انہوں نے مسلم کانفرنس کے مرکزی سیکرٹریٹ میں منعقدہ سیمینار سے خطاب کرتے ہوئے کیا۔ سیمینار سے ممبر اسمبلی سردار صغیر چغتائی، سردار واجد بن عارف ایڈووکیٹ، بیرسٹر یوسف نسیم ایڈووکیٹ، وحیدالحق ہاشمی ایڈووکیٹ، ساجد قریشی، سردار عاصم عباسی، اظہر علی قادری، سردار ذاکر حسین، ظہیر قادری، سردار منظور حسین، سید ظفرعلی شاہ، سعید مغل، بشیر ایڈووکیٹ، عظمان فدا، عامر محبوب ملک، ذوالفقار بھٹی و دیگر نے بھی خطاب کیا۔ عبدالمجید ملک نے کہا کہ کشمیری آج تک بہنے والے خون کا حساب مانگ رہے ہیں۔ ہندوستانی افواج نہتے کشمیریوں پر پیلٹ گنز کا استعمال کر رہی ہیں لیکن کشمیری عوام ہندوستانی افواج کے سامنے دیوار بن کر کھڑے ہیں اور حق خودارادیت لئے بغیر چین سے نہیں بیٹھیں گے۔

خبر کا کوڈ: 681785