QR Code

ایم کیو ایم پاکستان اور پاک سرزمین پارٹی میں انتخابی اتحاد کا امکان

8 Nov 2017 16:21

ذرائع کا کہنا ہے کہ ایم کیو ایم پاکستان کے کئی رہنماؤں کی جانب سے پاک سر زمین پارٹی سے مفاہمت کی مخالفت کی گئی ہے، آج پریس کانفرنس میں پی ایس پی سے اتحاد کی مخالفت کرنے والا گروپ موجود نہیں ہوگا، جب کہ پارٹی کے ڈپٹی کنوینر عامر خان بھی اس وقت پاکستان میں نہیں ہیں۔

اسلام ٹائمز۔ متحدہ قومی موومنٹ پاکستان اور پاک سرزمین پارٹی کے درمیان اتحاد متوقع ہے۔ ذرائع کے مطابق ایم کیو ایم پاکستان کے سربراہ فاروق ستار اور پی ایس پی کے سربراہ مصطفیٰ کمال کے درمیان مشترکہ پلیٹ فارم سے الیکشن لڑنے پر اتفاق ہوگیا ہے۔ فاروق ستار نے صلاح مشورے کے لئے اپنی جماعت کے تمام اہم رہنماؤں کو طلب کرلیا ہے جب کہ مصطفیٰ کمال نے بھی معاملے پر غور و فکر کے لئے اپنے پارٹی رہنماؤں کو مرکز پاکستان ہاؤس طلب کرلیا ہے۔ اس حوالے سے آج شام کراچی پریس کلب میں فاروق ستار اہم پریس کانفرنس کریں گے جس میں پی ایس پی کی اعلیٰ قیادت بھی موجود ہوگی۔ ذرائع کا کہنا ہے کہ ایم کیو ایم پاکستان کے کئی رہنماؤں کی جانب سے پاک سر زمین پارٹی سے مفاہمت کی مخالفت کی گئی ہے، آج پریس کانفرنس میں پی ایس پی سے اتحاد کی مخالفت کرنے والا گروپ موجود نہیں ہوگا، جب کہ پارٹی کے ڈپٹی کنوینر عامر خان بھی اس وقت پاکستان میں نہیں ہیں۔

خبر کا کوڈ: 682123