QR Code
تاپی جلد مکمل کرنے کے خواہشمند ہیں، وزیراعظم
15 Jan 2018 21:35
ترکمانستان کے وزیر خارجہ نے وزیراعظم پاکستان سے ملاقات کی جس میں ترکمانستان کے توانائی و گیس کے وزیر اور تاپی کے سی ای او نے بھی شرکت کی، ملاقات میں وزیراعظم کو تاپی منصوبے سمیت توانائی، ٹرانسمیشن لائن، فائبر آپٹک کے منصوبوں سے آگاہ کیا گیا۔ ملاقات میں بجلی کی ٹرانسمشن لائن، فائبر آپٹک منصوبوں سمیت روڈ، ریلوے لنکس قائم کرنے کے تمام منصوبوں پر کام کی رفتار تیز کرنے پر اتفاق کیا گیا۔
اسلام ٹائمز۔ وزیراعظم شاہد خاقان عباسی سے ترکمانستان کے وزیرخارجہ نے ملاقات کی ہے، جس میں دونوں ممالک کے درمیان روڈ اور ریلوے لنکس قائم کرنے پر اتفاق کیا گیا۔ ترکمانستان کے وزیر خارجہ نے وزیراعظم شاہد خاقان عباسی سے ملاقات کی جس میں ترکمانستان کے توانائی و گیس کے وزیر اور تاپی کے سی ای او نے بھی شرکت کی۔ ملاقات میں وزیراعظم کو تاپی منصوبے سمیت توانائی، ٹرانسمیشن لائن ، فائبر آپٹک کے منصوبوں سے آگاہ کیا گیا۔ ملاقات میں پاکستان اور ترکمانستان کے درمیان بجلی کی ٹرانسمشن لائن، فائبر آپٹک منصوبوں سمیت روڈ، ریلوے لنکس قائم کرنے اور دونوں ملکوں کے درمیان کنیکٹویٹی کے تمام منصوبوں پر کام کی رفتار تیز کرنے پر اتفاق کیا گیا۔ ترکمانستان کے وزیر خارجہ نے وزیراعظم شاہد خاقان عباسی کو ترکمانستان کے صدر اور وزیراعظم کی نیک خواہشات کا پیغام پہنچانے کے ساتھ ساتھ ترکمانستان کے دورے کی بھی دعوت دی جو وزیراعظم نے قبول کی ہے۔ وزیر خارجہ نے تاپی منصوبے کی بڈنگ میں پاکستانی کمپنیوں کو حصہ لینے کی بھی دعوت دی ہے۔
خبر کا کوڈ: 697283