QR Code
بلوچستان ہائیکورٹ، کرپشن کیس میں گرفتار اظہار کھوسہ کی ضمانت کی درخواست منظور
28 Feb 2018 15:51
عدالت نے دائر کردہ آئینی درخواست کو سماعت کیلئے منظور کرتے ہوئے نیب کے متعلقہ حکام کو نوٹسز جاری کرتے ہوئے اگلی سماعت پر طلب کرلیا ہے۔ یاد رہے کہ سابق صوبائی وزیر خوراک میر اظہار حسین کھوسہ کو نیب نے 28 کروڑ سے زائد کے گندم خورد برد کے الزام میں گرفتار کیا ہے، جبکہ وہ خود اسوقت جسمانی ریمانڈ پر نیب کی تحویل میں ہے۔
اسلام ٹائمز۔ بلوچستان ہائیکورٹ کی جسٹس محترمہ جسٹس سیدہ طاہرہ صفدر اور جسٹس جناب جسٹس عبداللہ بلوچ پر مشتمل ڈویژنل بینچ نے کروڑوں روپے گندم خورد برد کے الزام میں گرفتار سابق صوبائی وزیر خوراک میر اظہار حسین کھوسہ کی درخواست ضمانت بعد از گرفتاری سے متعلق دائر آئینی درخواست کو سماعت کیلئے منظور کرتے ہوئے نیب کے متعلقہ حکام کو نوٹسز جاری کر دئیے ہیں۔ گزشتہ روز صوبائی وزیر خوراک میر اظہار حسین کھوسہ کی جانب سے بلوچستان ہائی کورٹ میں درخواست ضمانت بعد از گرفتاری دائر کی گئی تھی، جس کی ڈویژنل بینچ نے سماعت کی۔ عدالت نے دائر کردہ آئینی درخواست کو سماعت کیلئے منظور کرتے ہوئے نیب کے متعلقہ حکام کو نوٹسز جاری کرتے ہوئے اگلی سماعت پر طلب کرلیا ہے۔ یاد رہے کہ سابق صوبائی وزیر خوراک میر اظہار حسین کھوسہ کو نیب نے 28 کروڑ سے زائد کے گندم خورد برد کے الزام میں گرفتار کیا ہے، جبکہ وہ خود اس وقت جسمانی ریمانڈ پر نیب کی تحویل میں ہے۔
خبر کا کوڈ: 708113