QR Code

آج پارلیمان نے پاناما سلطنت کو شکست سے ہمکنار کر دیا ہے، فریال تالپور

12 Mar 2018 23:53

اپنے تہنیتی پیغام میں پیپلز پارٹی شعبہ خواتین کی مرکزی صدر و رکن قومی اسمبلی نے کہا کہ بلوچستان سے سینیٹ چیئرمین کا منتخب ہونا پورے پاکستان کی کامیابی ہے اور چھوٹے صوبوں کے امیدواروں کی کامیابی سے وفاق مضبوط ہوگا۔

اسلام ٹائمز۔ پاکستان پیپلز پارٹی شعبہ خواتین کی مرکزی صدر و رکن قومی اسمبلی فریال تالپور نے سینیٹ کے نومنتخب چیئرمین صادق سنجرانی، ڈپٹی چیئرمین سلیم مانڈوی والا اور سینیٹرز کو مبارکباد دی ہے۔ اپنے تہینتی پیغام میں فریال تالپور نے اس امید کا اظہار کیا کہ نومنتخب چیئرمین، ڈپٹی چیئرمین اور سینیٹرز ملک میں جمہوریت کے استحکام اور آئین و قانون کے بالادستی کیلئے اپنا کردار ادا کریں گے۔ انہوں نے کہا کہ آج پارلیمان نے پاناما سلطنت کو شکست سے ہمکنار کر دیا ہے۔ انہوں نے کہا کہ بلوچستان سے سینیٹ چیئرمین کا منتخب ہونا پورے پاکستان کی کامیابی ہے اور چھوٹے صوبوں کے امیدواروں کی کامیابی سے وفاق مضبوط ہوگا۔ انہوں نےکہا کہ سینیٹ کے اعلیٰ ترین مناصب پر مشترکہ اپوزیشن کے امیدواروں کی کامیابی سے سسٹم پر چیک اینڈ بیلنس قائم ہوگا۔

خبر کا کوڈ: 711067