QR Code

پاکستان نے ڈبلیو ٹی او کانفرنس میں شرکت سے انکار کردیا

17 Mar 2018 03:05

پاکستانی وفد کو وزیر تجارت کی سربراہی میں بھارت جانا تھا، جہاں نئی دلی میں منعقد ہونے والی ڈبلیو ٹی او کانفرنس میں شرکت کرنی تھی لیکن بھارت میں پاکستانی سفارتکاروں اور ہائی کمیشن عملے کے اہل خانہ کو گزشتہ کئی روز سے ہراساں کیا جارہا ہے، جس کے بعد پاکستان نے نئی دلی میں ڈبلیو ٹی او کانفرنس میں شرکت سے انکار کر دیا ہے۔

اسلام ٹائمز۔ پاکستانی سفارتکاروں کو بھارت میں ہراساں کیے جانے کے معاملے کے بعد پاکستان نے نئی دلی میں ہونے والی ڈبلیو ٹی او کانفرنس میں شرکت سے انکار کر دیا ہے۔ پاکستانی وفد کو وزیر تجارت کی سربراہی میں بھارت جانا تھا، جہاں نئی دلی میں منعقد ہونے والی ڈبلیو ٹی او کانفرنس میں شرکت کرنی تھی لیکن بھارت میں پاکستانی سفارتکاروں اور ہائی کمیشن عملے کے اہل خانہ کو گزشتہ کئی روز سے ہراساں کیا جارہا ہے، جس کے بعد پاکستان نے نئی دلی میں ڈبلیو ٹی او کانفرنس میں شرکت سے انکار کر دیا ہے۔ سفارتی ذرائع کے مطابق تجارتی وفد کو بھارت نہ بھیجنے کا فیصلہ بھارتی رویے کے باعث کیا گیا ہے کیوں کہ پاکستان اپنی خودداری کو مقدم رکھتا ہے۔ واضح رہے کہ گزشتہ کئی روز سے نئی دلی میں پاکستانی سفارتی اہل کاروں اور ان کے اہل خانہ کو ہراساں کیا جا رہا ہے جب کہ پاکستان کے احتجاج کے باوجود بھارتی وزارت خارجہ کی طرف کوئی نوٹس نہیں لیا گیا۔

خبر کا کوڈ: 712013