QR Code

سیاحت کی ترقی کیلئے طویل مدتی استحکام پر توجہ مرکوز کریں، تصدق مفتی

30 Mar 2018 14:31

انہوں نے کہا کہ بھارت کے دیگر علاقوں کے علاوہ جموں و کشمیر کے سیاحتی مقامات کو سب سے زیادہ ترجیح دی جاسکتی ہے۔

اسلام ٹائمز۔ مقبوضہ کشمیر میں سیاحت کے وزیر تصدق حسین مفتی نے مقامی لوگوں کے لئے روزگار کے مواقع پیدا کرنے کے علاوہ مہم جُو سیاحت کی ترقی کے لئے طویل مدتی استحکام اور ماحول دوست مداخلت پر توجہ مرکوز کرنے پر زور دیا۔ تصدق حسین سرینگر میں کنسلٹنٹوں کی ایک میٹنگ سے خطاب کر رہے تھے۔ انہوں نے کہا کہ بھارت کے دیگر علاقوں کے علاوہ جموں و کشمیر کے سیاحتی مقامات کو سب سے زیادہ ترجیح دی جاسکتی ہے۔ انہوں نے کہا کہ کشمیر کے قدرتی اثاثوں کی طرف سیاحت کے متعدد، باہمی اور پائیدار ماڈل کو ترقی دینے کے سلسلے میں مختلف کوششیں جاری ہیں۔ کنسلٹنٹوں نے اس موقعہ پر ایک تفصیلی پاور پوائنٹ پرزنٹیشن پیش کی اور وزیر کو بسوہلی، سرتھل، بغلیہار ڈیم، نگروٹہ، اکھنور، ریاسی، یوسمرگ، گلمرگ اور وادی گریز کو مہم جو سیاحتی مقامات کے طور ترقی دینے کے سلسلے میں تیار کئے گئے منصوبے کے بارے میں آگاہ کیا۔

خبر کا کوڈ: 714698