QR Code

لاہور پولیس نے شہر میں چوکیداری نظام فعال کرنے کا فیصلہ کر لیا، رجسٹریشن شروع

14 Apr 2018 18:02

ایس پی سٹی سید علی رضا کے مطابق گلی محلوں اور مارکیٹوں میں رات کے وقت چوکیداری کرنیوالے افراد کی رجسٹریشن کا عمل شروع کر دیا گیا ہے۔۔ انہوں نے مزید بتایا کہ ابتدائی طور پر لاہور کی سٹی ڈویژن میں 559 چوکیداروں کو رجسٹرڈ کر لیا گیا ہے۔ ایس پی سٹی سید علی رضا کے مطابق چوکیداروں کی روزانہ کی بنیاد پر حاضری انڈرائیڈ فون کی مدد سے بیٹ افسر لگائے گا، ان کی ڈیوٹی کی بھی مکمل مانیٹرنگ ہو گی۔

اسلام ٹائمز۔ لاہور پولیس نے چوری اور ڈکیتی کی وارداتوں سے بچنے کیلئے شہر میں چوکیداری نظام کو فعال کرنے کا فیصلہ کیا ہے۔ ایس پی سٹی سید علی رضا کے مطابق گلی محلوں اور مارکیٹوں میں رات کے وقت چوکیداری کرنیوالے افراد کی رجسٹریشن کا عمل شروع کر دیا گیا ہے۔۔ انہوں نے مزید بتایا کہ ابتدائی طور پر لاہور کی سٹی ڈویژن میں 559 چوکیداروں کو رجسٹرڈ کر لیا گیا ہے۔ ایس پی سٹی سید علی رضا کے مطابق چوکیداروں کی روزانہ کی بنیاد پر حاضری انڈرائیڈ فون کی مدد سے بیٹ افسر لگائے گا، ان کی ڈیوٹی کی بھی مکمل مانیٹرنگ ہو گی۔ اس حوالے سے چوکیداری کرنیوالے پٹھانوں کے کوائف خصوصی طور پر سخت چیکنگ کے بعد فائنل کئے جا رہے ہیں۔ انہوں نے کہا کہ چوکیداروں کو موبائل فونز اور خصوصی کارڈ دیئے جائیں گے، چوکیدار قریبی تھانے سے مسلسل رابطے میں رہیں گی اور جدید ٹیکنالوجی کو استعمال میں لاتے ہوئے پولیس ان کیساتھ رابطے میں رہے گی اور کسی بھی واردات کی اطلاع کی صورت میں ڈولفن فورس، پیرو اور پولیس فوری رسپانس کریں گی۔

خبر کا کوڈ: 717862