QR Code

پرویز خٹک کی سراج الحق سے ملاقات، صوبائی حکومت نہ چھوڑنے کی درخواست

2 May 2018 16:29

میڈیا رپورٹس کے مطابق پرویز خٹک نے سراج الحق سے صوبائی حکومت نہ چھوڑنے کی درخواست کرتے ہوئے کہا کہ چند دنوں کیلئے 5 سالہ رفاقت ختم نہ کی جائے، جس پر سراج الحق نے مؤقف اپنایا کہ سیاسی لحاظ سے دوبارہ متحدہ مجلس عمل بحال ہوچکی ہے، جماعت اسلامی ایم ایم اے کا حصہ ہے اس لئے حکومت چھوڑنے کا فیصلہ کیا۔

اسلام ٹائمز۔ وزیراعلٰی خیبر پختونخوا پرویز خٹک نے سراج الحق سے صوبائی حکومت نہ چھوڑنے کی درخواست کردی۔ میڈیا رپورٹس کے مطابق وزیراعلٰی خیبر پختونخوا پرویز خٹک نے امیر جماعت اسلامی سراج الحق سے گذشتہ روز اسلام آباد میں ملاقات کی، جس میں جماعت اسلامی کی جانب سے صوبائی حکومت سے علیحدگی کے فیصلے پر بات کی گئی۔ ذرائع کے مطابق پرویز خٹک نے سراج الحق سے صوبائی حکومت نہ چھوڑنے کی درخواست کرتے ہوئے کہا کہ چند دنوں کیلئے 5 سالہ رفاقت ختم نہ کی جائے۔ ذرائع نے بتایا کہ پرویز خٹک کی درخواست پر سراج الحق نے مؤقف اپنایا کہ سیاسی لحاظ سے دوبارہ متحدہ مجلس عمل بحال ہوچکی ہے، جماعت اسلامی ایم ایم اے کا حصہ ہے اس لئے حکومت چھوڑنے کا فیصلہ کیا۔ ذرائع کے مطابق سراج الحق نے پرویز خٹک کو یقین دہانی کرائی کہ حکومت نہ چھوڑنے کا معاملہ ایم ایم اے کے سربراہی اجلاس میں قائدین کے سامنے رکھا جائے گا جس کے بعد فیصلے سے آگاہ کریں گے۔

خبر کا کوڈ: 721909