QR Code

سوات کے کاشتکاروں کا اسمبلی کے سامنے احتجاجی دھرنا

2 May 2018 20:50

کاشتکاروں کا کہنا تھا کہ موسمی تغیر وتبدل کی وجہ سے فصلیں ہر سال تباہ ہورہی ہیں جبکہ کاسٹ آف پراڈکشن بڑھ گیا ہے اور حکومت انڈسٹری کی طرح کاشتکاروں کے ساتھ مالی معاونت کرے تاکہ اس صنعت سے وابستہ افراد کی معیار زندگی بلند ہوسکے۔

اسلام ٹائمز۔ تحریک کاشتکار ان سوات نے اپنے مطالبات کے حق میں صوبائی اسمبلی کے سامنے دھرنا دیا۔ مظاہرین نے بینرز اٹھا رکھے تھے جن توجہ لاؤ، نوٹس پر عمل درآمد یقینی بنانے کے حوالے سے مطالبات درج تھے۔ کاشتکاروں کا کہنا تھا کہ موسمی تغیر وتبدل کی وجہ سے فصلیں ہر سال تباہ ہورہی ہیں جبکہ کاسٹ آف پراڈکشن بڑھ گیا ہے اور حکومت انڈسٹری کی طرح کاشتکاروں کے ساتھ مالی معاونت کرے تاکہ اس صنعت سے وابستہ افراد کی معیار زندگی بلند ہوسکے۔ انہوں نے کہاکہ فصلوں اور باغات کی آمدنی بے وقت بارش، طوفان اور ژالہ باری سے متاثر ہورہی ہے جبکہ ہر سپرے سے لے کر تخموں، ڈیزل اور کھاد پر ٹیکس کے باعث ان کی زندگی اجیرن بن گئی ہے۔ انہوں نے کہاکہ سوات کے کاشتکاروں کے ساتھ کیے گئے وعدے پورے کئے جائیں۔

خبر کا کوڈ: 721968