یمن کےمغربی ساحل پر بڑی مچھلی کا شکار
الحدیدہ میں امریکی فوجی کمانڈر گرفتار، انصار اللہ
3 Jul 2018 17:48
یمن کی انقلابی فورس انصار اللہ نے دعوی کیا ہے کہ الحدیدہ پورٹ سے امریکی فوجی کمانڈر کو زندہ گرفتار کر لیا گیا ہے۔ یاد رہے سعودی اتحاد میں شامل امریکہ، فرانس ، اسرائیل اور برطانیہ سمیت مختلف ممالک کی فوج نے گذشتہ کئی ہفتوں سے یمن کی اہم بندرگاہ الحدیدہ پر حملہ کر رکھا ہے جس میں ابھی تک ان تمام فورسز کو انصار اللہ کے ہاتھوں ذلت آمیز شکست کا سامنا ہے۔
اسلام ٹائمز۔ یمن کے خلاف سعودی عرب کی سربراہی میں جاری فوجی جارحیت نئے مرحلے میں داخل ہو گئی ہے۔ یمن کی انقلابی فورسز نے دعوی کیا ہے کہ الحدیدہ بندرگاہ پر ہونے والی جنگ میں امریکی فورسز کے ایک اہم کمانڈر کو زندہ حالت میں گرفتار کر لیا گیا ہے۔ یہ کمانڈر امریکی کمپنی بلیک واٹر سے منسلک ہے جو متحدہ عرب امارات کے پے رول پر یمن کے خلاف جنگ میں شریک ہے۔ یمنی میڈیا کے مطابق گرفتار کیا گیا فوجی کمانڈر امریکی شہری ہے جو میدان جنگ میں بری فوج کی کمانڈ کر رہا تھا۔ ماہرین کا خیال ہے کہ اس اہم کمانڈر کے پاس ایسی حساس معلومات ہیں جو یمنی فورسز کیلئے بہت فائدہ مند ثابت ہو سکتی ہیں۔
خبر کا کوڈ: 735439