QR Code

پنجاب میں انتقامی کارروائیوں کا جواب ووٹ کی طاقت سے دینگے، ڈاکٹر افتخار حسین نقوی

7 Jul 2018 16:11

لاہور میں کارکنوں سے خطاب کرتے ہوئے ایم ڈبلیو ایم کے صوبائی رہنماء نے کہا کہ نون لیگ مکافات عمل کا شکار ہے، عوام لٹیروں سے پائی پائی کا حساب لے گی، انشاءاللہ 25 جولائی کو عوام دشمن قوتوں کو شکست ہوگی۔

اسلام ٹائمز۔ مجلس وحدت مسلمین پنجاب کے ڈپٹی سیکرٹری جنرل پروفیسر ڈاکٹر افتخار حسین نقوی نے صوبائی الیکشن سیل میں کارکنان سے خطاب کرتے ہوئے کہا ہے کہ سابق حکمرانوں نے ترقیاتی منصوبوں کے نام پر قومی خزانے پر شب خون مارا، سڑکوں کا جال بچھانے کے دعویداروں کا پول ایک دن کی بارش نے کھول دیا ہے، پنجاب میں من پسند لوگوں کو نوازا گیا، نیب اور عدلیہ ان لٹیروں کا بے رحمانہ احتساب کرے۔ لاہور میں کارکنوں سے خطاب کرتے ہوئے ایم ڈبلیو ایم کے صوبائی رہنماء نے کہا کہ نون لیگ مکافات عمل کا شکار ہے، عوام لٹیروں سے پائی پائی کا حساب لے گی، پنجاب میں انتقامی کارروائیوں کا جواب ووٹ کی طاقت سے دینگے، پنجاب بھر میں بھرپور انتخابی مہم چلائیں گے، پاکستان تحریک انصاف کے ساتھ مل کر الیکشن میں حصہ لے رہے ہیں، ان شاء اللہ 25 جولائی کو عوام دشمن قوتوں کو شکست ہوگی۔

خبر کا کوڈ: 736211