اسلام ٹائمز - نئے صوبے کا پلان تیار، تحریک انصاف ہی جنوبی پنجاب صوبہ بنائے گی، زرتاج گل

نئے صوبے کا پلان تیار، تحریک انصاف ہی جنوبی پنجاب صوبہ بنائے گی، زرتاج گل

پی ٹی آئی کی منتخب رکن قومی اسمبلی کا میڈیا سے گفتگو کرتے ہوئے کہنا تھا کہ پاکستان پانچ ارب انسانوں کو ملانے والا دنیا کا اہم ترین ایٹمی ملک ہے، ہماری مضبوط خارجہ پالیسی ہی وطن عزیز کو بحرانوں سے نکال سکتی ہے۔

اسلام ٹائمز۔ پاکستان تحریک انصاف کے ایم این اے زرتاج گل نے صحافیوں سے گفتگو کرتے ہوئے کہا کہ تحریک انصاف کی کامیابی مظلوم اور محروم طبقے کی کامیابی ہے، پوری قوم کی نظریں عمران خان پر مرکوز ہیں کہ وہ مستقبل میں پاکستان کی داخلہ و خارجی پالیسی اور معاشیات اصلاحات میں کیا تبدیلیاں کریں گے۔ انہوں نے مزید کہا کہ پاکستان پانچ ارب انسانوں کو ملانے والا دنیا کا اہم ترین ایٹمی ملک ہے ہماری مضبوط خارجہ پالیسی ہی وطن عزیز کو بحرانوں سے نکال سکتی ہے، خودمختار اور بیرونی مداخلت سے پاک پاکستان ہی اصل میں قائد اور اقبال کے خوابوں کی تعبیر ہے۔ جنوبی پنجاب الگ صوبہ پر حکومت سنبھالتے ہی ہنگامی طور پر کام شروع کر دیا جائے گا، جنوبی پنجاب صوبہ تحریک انصاف ہر صورت بنائے گی۔