QR Code

جو بھی مسلم لیگ نون سے غداری کریگا اس کا سیاسی مستقبل ختم ہو جائیگا، احسن اقبال

16 Aug 2018 22:50

دنیا نیوز کے پروگرام ’’دنیا کامران خان کے ساتھ‘‘ میں گفتگو کرتے ہوئے احسن اقبال نے کہا ہے کہ پیپلز پارٹی وزارت عظمٰی کے لئے مسلم لیگ نون کے نامزد امیدوار شہباز شریف کو ووٹ دے گی۔

اسلام ٹائمز۔ مسلم لیگ نون کے رہنما احسن اقبال نے کہا ہے کہ جو بھی مسلم لیگ نون سے غداری کرکے گا اس کا سیاسی مستقبل ختم ہو جائے گا۔ گولڈن ہینڈ شیک لینے سے چند فوائد ملیں گے۔ دنیا نیوز کے پروگرام ’’دنیا کامران خان کے ساتھ‘‘ میں گفتگو کرتے ہوئے احسن اقبال نے کہا ہے کہ جو بھی مسلم لیگ نون سے غداری کرے گا اس کا سیاسی مستقبل ختم ہو جائے گا۔ وہ گولڈن ہینڈ شیک لے گا اور اس حکومت سے چند فوائد حاصل کرسکے گا۔ انہوں نے کہا کہ وزارت عظمٰی کے امیدوار کیلئے ووٹ دینے کیلئے پیپلز پارٹی کے موقف نے ہم کو ششدر کر دیا ہے۔ ہم اب بھی امید کرتے ہیں کہ پیپلز پارٹی وزارت عظمٰی کے لئے مسلم لیگ نون کے نامزد امیدوار شہباز شریف کو ووٹ دے گی۔ انہوں نے کہا کہ ہم ایک دوسرے کے خلاف الیکشن لڑکر آئے ہیں لیکن ایک بڑے ایشو پر ہم اکٹھے ہیں اور بطور اپوزیشن ہم بھرپور کردار ادا کریں گے کہ تمام جماعتوں کو ساتھ لیکر چلا جائے۔
 

خبر کا کوڈ: 744964