QR Code

تیونس کے عوام نے صیہونی کشتی کو اپنے ملک میں آنے سے روک دیا، روسیا الیوم

18 Aug 2018 21:18

تیونس کے عوام کے شدید مظاہروں کے بعد اس ملک نے اسرائیلی کشتی کو اپنے پانیوں میں آنے سے روک دیا ہے۔ یہ کشتی تیونس کی بندرگاہ رادس پر لنگرانداز ہونا چاہتی تھی۔

اسلام ٹائمز۔ اسرائیل کے خلاف پابندیاں لگانے والی بین الاقوامی آرگنائزیشن نے اعلان کیا ہے کہ تیونس کے عوام کے شدید اعتراض کے بعد اس ملک کی اتھارٹیز نے اسرائیلی کشتی کو تیونس کی سمندری حدود میں آنے سے روک دیا ہے۔ نیوز ایجنسی روسیا الیوم کی رپورٹ کے مطابق تیونس کے حکام نے اسرائیلی کشتی کو رادس بندرگاہ میں داخل ہونے سے روک دیا ہے۔ یہ کشتی زم نامی کمپنی کیلئے کام کر رہی ہے جس کے بارے میں بتایا گیا ہے کہ یہ صیہونی کمپنی ہے۔ تیونس کی حکومت جو مغرب نواز سمجھی جاتی ہے ملک میں ہونے والے شدید مظاہروں کی وجہ سے ایسے احکامات صادر کرنے پر مجبور ہوئی ہے۔
 
دوسری طرف صیہونی حکومت کی کمپنی لیو ہاعولام کے بانی ناتی روم نے کہا ہے کہ افسوس کے ساتھ کہنا پڑھتا ہے کہ ایسی اخبار کو سن کر اب کوئی تعجب محسوس نہیں ہوتا۔ ہماری دوسری کمپنیوں کی مانند اب زم کو بھی بین الاقوامی آرگنائزیشن کے اس اقدام کی وجہ سے بہت بڑا نقصان برداشت کرنا پڑے گا۔

خبر کا کوڈ: 745267