QR Code

نئے پاکستان کا آغاز انتقامی سیاست سے ہوا ہے

80 سے زائد عوامی نمائندوں کے پاس خلائی مخلوق کا مینڈیٹ ہے، رانا ثناءاللہ

اگر اپوزیشن اتحاد کرلے تو حکومتی صدارتی امیدوار کو شکست دی جا سکتی ہے

21 Aug 2018 20:44

اسلام ٹائمز۔ مسلم لیگ نون کے رہنما رانا ثناءاللہ نے کہا ہے کہ نئے پاکستان کا آغاز انتقامی سیاست سے ہوا ہے، نوازشریف، مریم نواز انتقام کے قیدی جبکہ حنیف عباسی ضمیر اور انتقام دونوں کے قیدی ہیں۔ ماڈل ٹائون میں شہبازشریف کی زیرصدارت ہونے والے اجلاس کے بعد میڈیا بریفننگ میں رانا ثناءاللہ نے کہا کہ صدارتی امیدوار کا فیصلہ کرنے کے لئے متحدہ اپوزیشن کا اجلاس عید کے بعد ہوگا۔ انہوں نے کہا کہ فارورڈ بلاک بنایا گیا تو اسمبلیاں نہیں چلنے دیں گے، صدارتی انتخابات کے لئے اپنا امیدوار لایا جائے یا متحدہ اپوزیشن سے، اختیار پارٹی قیادت کو دیدیا ہے۔ رانا ثناءاللہ نے یہ بھی کہا کہ 80 سے زائد عوامی نمائندوں کے پاس خلائی مخلوق کا مینڈیٹ ہے، اگر اپوزیشن اتحاد کرلے تو حکومتی صدارتی امیدوار کو شکست دی جا سکتی ہے۔

خبر کا کوڈ: 745777