اسلام ٹائمز - پاک فوج میں اعلٰی سطح کے تقرر و تبادلے، کراچی، ملتان، راولپنڈی کے کور کمانڈر تبدیل

پاک فوج میں اعلٰی سطح کے تقرر و تبادلے، کراچی، ملتان، راولپنڈی کے کور کمانڈر تبدیل

آئی ایس پی آر کے مطابق، کور کمانڈر راولپنڈی لیفٹیننٹ جنرل ندیم رضا چیف آف جنرل اسٹاف جبکہ موجودہ چیف آف جنرل سٹاف لیفٹیننٹ جنرل بلال اکبر کور کمانڈر راولپنڈی اور لیفٹیننٹ جنرل نعیم اشرف کو کور کمانڈر ملتان تعینات کیا گیا، وہ اس سے پہلے چیئرمین ہیوی انڈسٹریز ٹیکسلا تعینات تھے۔

اسلام ٹائمز۔ پاک فوج میں اعلٰی سطح کے تقرر و تبادلے کر دیئے گئے، لیفٹیننٹ جنرل شاہد بیگ مرزا کو آئی جی سی اینڈ آئی ٹی تعینات کر دیا گیا، اس سے پہلے وہ کور کمانڈر کراچی تعینات تھے۔ آئی ایس پی آر کے مطابق، کور کمانڈر راولپنڈی لیفٹیننٹ جنرل ندیم رضا چیف آف جنرل اسٹاف جبکہ موجودہ چیف آف جنرل سٹاف لیفٹیننٹ جنرل بلال اکبر کور کمانڈر راولپنڈی اور لیفٹیننٹ جنرل نعیم اشرف کو کور کمانڈر ملتان تعینات کیا گیا، وہ اس سے پہلے چیئرمین ہیوی انڈسٹریز ٹیکسلا تعینات تھے۔ آئی ایس پی آر کے مطابق، کور کمانڈر ملتان لیفٹیننٹ جنرل عبداللہ ڈوگر چیئرمین ہیوی انڈسٹریز ٹیکسلا جبکہ لیفٹیننٹ جنرل ہمایوں عزیز کور کمانڈر کراچی تعینات کیا گیا، لیفٹننٹ جنرل ہمایوں عزیز آئی جی سی اینڈ آئی ٹی کے عہدے پر تعینات تھے۔