QR Code
محرم الحرام کا چاند دیکھنے کے لیے رویت ہلال کمیٹی کا اجلاس طلب
8 Sep 2018 14:13
محکمہ موسمیات کے مطابق پیر کے روز محرم الحرام کا چاند نظر آنے کے قوی امکانات ہیں تاہم اس کا حتمی اور شرعی اعلان مرکزی رویت ہلال کمیٹی کے چیئرمین مفتی منیب الرحمان کریں گے۔
اسلام ٹائمز۔ محرم الحرام 1440 ہجری کا چاند دیکھنے کےلیے مرکزی رویت ہلال کمیٹی کا اجلاس 10 ستمبر کو کراچی میں طلب کرلیا گیا ہے۔ تفصیلات کے مطابق نئے اسلامی سال کا آغاز محرم الحرام کے مہینے سے ہوتا ہے، محرم کا چاند دیکھنے کے لیے مرکزی رویت ہلال کمیٹی کے چیئرمین مفتی منیب الرحمان نے 10 ستمبر بروز پیر کو کراچی میں اجلاس طلب کیا ہے جبکہ زونل کمیٹیوں کے اجلاس لاہور، کوئٹہ اور پشاور میں ہوں گے، محکمہ موسمیات کے نمائندے بھی اجلاس میں شریک ہوں گے۔
محکمہ موسمیات کے مطابق پیر کے روز محرم الحرام کا چاند نظر آنے کے قوی امکانات ہیں تاہم اس کا حتمی اور شرعی اعلان مرکزی رویت ہلال کمیٹی کے چیئرمین مفتی منیب الرحمان کریں گے۔
خبر کا کوڈ: 748775