QR Code
بھارت نے کشمیریوں کے آزادی کے حق کو دبا رکھا ہے، مشتاق منہاس
11 Sep 2018 11:35
بابائے قوم حضرت قائداعظم کے یوم وفات کے دن کی مناسبت سے جاری اپنے بیان میں وزیر اطلاعات کشمیر کا کہنا تھا کہ ہم اپنی جان، مال، عزت آبرو پاکستان کے دفاع اور کشمیر کی آزادی کیلئے قربان کرنے سے ہرگز دریغ نہیں کریں گے۔
اسلام ٹائمز۔ آزاد جموں و کشمیر کے وزیر اطلاعات مشتاق احمد منہاس نے کہا کہ قائداعظم کشمیر کو پاکستان کیلئے انتہائی ناگزیر سمجھتے تھے۔ اسی لئے انہوں نے کشمیر کو پاکستان کی شہ رگ قرار دیا۔ انہوں نے کشمیریوں کی تحریک آزادی کی کھلے لفظوں میں حمایت کی۔ آج کشمیری قائداعظم کے فرمودات کی روشنی میں تحریک آزادی کشمیر اور دفاع پاکستان کی جنگ لڑ رہے ہیں۔ بھارت نے کشمیریوں کے آزادی کے حق کو دبا رکھا ہے، بابائے قوم حضرت قائداعظم کے یوم وفات کے دن ہم اس بات کا عہد کرتے ہیں کہ ہم اپنی جان، مال، عزت آبرو پاکستان کے دفاع اور کشمیر کی آزادی کیلئے قربان کرنے سے ہرگز دریغ نہیں کریں گے۔ کشمیر آزاد ہو کر پاکستان کا حصہ بنے گا۔
خبر کا کوڈ: 749342