QR Code
شمالی وزیرستان میں شہید جوانوں کی نماز جنازہ، آرمی چیف کی شرکت
23 Sep 2018 15:59
آئی ایس پی آر کے مطابق گذشتہ روز شمالی وزیرستان میں شہید ہونیوالے جوانوں کی نماز جنازہ ادا کر دی گئی جس میں آرمی چیف آف اسٹاف جنرل قمر جاوید باجوہ سمیت دیگر افسران نے شرکت کی۔ نماز جنازہ کے بعد شہداء کے جسد خاکی فوجی اعزاز کے ساتھ آبائی علاقوں کو روانہ کر دیئے گئے۔
اسلام ٹائمز۔ شمالی وزیرستان میں دہشت گردوں سے مقابلے کے دوران شہید ہونے والے پاک فوج کے جوانوں کی نماز جنازہ ادا کر دی گئی، جس میں سپہ سالار نے شرکت کی۔ پاک فوج کے شعبہ تعلقاتِ عامہ (آئی ایس پی آر) سے جاری بیان میں کہا گیا ہے کہ گذشتہ روز شمالی وزیرستان میں شہید ہونے والے جوانوں کی نماز جنازہ ادا کر دی گئی جس میں آرمی چیف آف اسٹاف جنرل قمر جاوید باجوہ سمیت دیگر افسران نے شرکت کی۔ نماز جنازہ کے بعد شہداء کے جسد خاکی فوجی اعزاز کے ساتھ آبائی علاقوں کو روانہ کر دیئے گئے۔ واضح رہے کہ گذشتہ روز سکیورٹی فورسز کو خفیہ اطلاع موصول ہوئی کہ شمالی وزیرستان کے علاقے 9 دہشت گرد موجود ہیں، وطن کی حفاظت پر مامور جوانوں نے لمحے بھر بھی دیر نہ کیا اور آپریشن کا آغاز کیا۔ دہشت گردوں نے سکیورٹی فورسز پر فائرنگ کی جس کے نتیجے میں کپیٹن سمیت پاک فوج کے 7 اہلکار شہید ہوئے جن کی شناخت کیپٹن جنید، حوالدار عامر، حوالدار عاطف، حوالدار ناصر، حوالدار عبد الرزاق، سپاہی سمیع اور سپاہی انور کے ناموں سے ہوئی تھی۔ سیکیورٹی فورسز کی جوابی فائرنگ میں 9 دہشت گرد ہلاک ہوئے، پاک فوج کے جوانوں نے علاقے کو آپریشن کے بعد کلیئر کروا لیا۔
خبر کا کوڈ: 751650