QR Code

سندھ کے سابق وزیر بلدیات جام خان شورو نے سرکاری گاڑی رشتہ دار کو تحفے میں دے دی

6 Oct 2018 21:07

رکن سندھ اسمبلی عبدالرزاق راہموں نے چار سال سے لاپتہ گاڑی کا بھانڈا پھوڑ دیا، انہوں نے انکشاف کیا کہ مذکورہ گاڑی تھر کے علاقے میں چار سال سے زیر استعمال ہے۔ اس حوالے سے فنکشل مسلم لیگ کی رکن سندھ اسمبلی نصرت سحر عباسی نے اس معاملہ کو سندھ اسمبلی میں اٹھانے کا اعلان کیا ہے۔

اسلام ٹائمز۔ سندھ کے سابق وزیر بلدیات جام خان خان شورو نے سرکاری گاڑی تحفے میں اپنے عزیز کو دے دی، یہی نہیں پیٹرول اور مرمت کی مد میں ماہانہ خرچہ بھی ادا کیا جاتا ہے۔ تفصیلات کے مطابق حکومت سندھ کے سابق وزیر نے مال مفت دل بے رحم کے مصداق سرکاری گاڑی کو اپنا مال سمجھ کر رشتہ داریاں نبھانی شروع کردیں۔ سابق وزیر بلدیات جام خان شورو نے ایک ڈبل کیببن گاڑی جی ایس 450 بی رشتہ دار کو تحفے میں عنایت کردی، یہ گاڑی لوکل گورنمنٹ ڈیپارٹمنٹ کی ملکیت ہے۔ رکن سندھ اسمبلی عبدالرزاق راہموں نے چار سال سے لاپتہ گاڑی کا بھانڈا پھوڑ دیا، انہوں نے انکشاف کیا کہ مذکورہ گاڑی تھر کے علاقے میں چار سال سے زیر استعمال ہے۔ اس حوالے سے فنکشل مسلم لیگ کی رکن سندھ اسمبلی نصرت سحر عباسی نے اس معاملہ کو سندھ اسمبلی میں اٹھانے کا اعلان کیا ہے، ان کا کہنا ہے کہ گزشتہ دس سال میں بہت کچھ غائب ہوا ہے نہ جانے ابھی اور کیا کیا سامنے آنا ہے۔

خبر کا کوڈ: 754290