QR Code

وقت آگیا ہے شیعہ عقائد مسخ کرنیوالوں کا محاسبہ کیا جائے، سبطین سبزواری

12 Nov 2018 21:11

شیعہ عمل تحریک پاکستان کے سربراہ کا کہنا تھا کہ سٹیج حسینی تبلیغ دین کا موثر ذریعہ ہے، جس نے عزاداری سید الشہدا اور مکتب اہلبیتؑ کو زندہ رکھا ہے، مجالس عزا سے محبت اور امن کا پیغام جانا چاہیے، نفرت پھیلانے والے خطیب حضرات قرآن و سنت اور سیرت آئمہ کا خیال رکھیں اور عقائد تشیع کو مسخ کرکے مسلک کو مذاق نہ بنائیں۔

اسلام ٹائمز۔ لاہور میں اجلاس سے خطاب کرتے ہوئے شیعہ عمل تحریک پاکستان کے سربراہ علامہ سید سبطین حیدر سبزواری نے زور دیا ہے کہ سٹیج حسینی تبلیغ دین کا موثر ذریعہ ہے، جس نے عزاداری سید الشہدا اور مکتب اہلبیتؑ کو زندہ رکھا ہے، مجالس عزا سے محبت اور امن کا پیغام جانا چاہیے، نفرت پھیلانے والے خطیب حضرات قرآن و سنت اور سیرت آئمہ کا خیال رکھیں اور عقائد تشیع کو مسخ کرکے مسلک کو مذاق نہ بنائیں۔ انہوں نے کہا کہ اب وقت آگیا ہے کہ شیعہ مسلمات اور عقائد کو مسخ کرنیوالوں کا محاسبہ کیا جائے، خود بانیان مجالس بھی خیال رکھیں کہ فساد پھیلانے والے اور من گھڑت واقعات بیان کرنے والوں کی اصلاح کریں اور یقینی بنائیں کہ کوئی خلاف شریعت بات سٹیج سے بیان نہ کی جائے۔ علامہ سبطین سبزواری نے وضاحت کی ہے کہ شیعہ عمل تحریک 1990ء میں قائم کی گئی تھی، اس پلیٹ فارم سے قومی، سماجی اور سیاسی پروگرام انہوں نے جاری رکھے تھے۔ انہوں نے کہا کہ شیعہ علما کونسل ہی ملی پلیٹ فارم ہے، ملی معاملات میں علامہ سید ساجد علی نقوی کے ہاتھ مضبوط کریں گے۔

خبر کا کوڈ: 760758