اسلام ٹائمز - یقین رکھتا ہوں کہ کشمیر پاکستان کا حصہ ہے، شاہد آفریدی

یقین رکھتا ہوں کہ کشمیر پاکستان کا حصہ ہے، شاہد آفریدی

قومی کرکٹر کا کہنا ہے کہ بھارت کے ظالمانہ قبضے میں کشمیر ایک متنازع مسئلہ ہے، اقوام متحدہ کی قراردادوں کے مطابق اس کا حل ضروری ہے، ہر پاکستانی کی طرح میں بھی کشمیریوں کی تحریک آزادی کی بھرپور حمایت کرتا ہوں۔

اسلام ٹائمز۔ پاکستان کے مایہ ناز کرکٹر شاہد خان آفریدی نے کہا ہے کہ میں کشمیریوں کی جدوجہد کا احترام کرتا ہوں، بھارتی میڈیا میرے بیان کو توڑ مروڑ کر پیش کر رہا ہے۔
سماجی رابطوں کی ویب سائٹ ٹویٹر پر جاری اپنے وضاحتی بیان میں شاہد خان آفریدی نے کہا کہ میں کشمیریوں کی جدوجہد کا احترام کرتا ہوں، انہیں ان کا حق ضرور ملنا چاہیئے۔ شاہد آفریدی نے کہا کہ کشمیری عوام پاکستان سے محبت کرتے ہیں، ان کا حق ملنا چاہیئے، بھارتی میڈیا میرا بیان توڑ مروڑ کر پیش کر رہا ہے، میں کشمیریوں کی جدوجہد کا احترام کرتا ہوں۔ ان کا کہنا تھا کہ کشمیری پاکستان کرکٹ ٹیم کی جیت پر خوش ہوتے ہیں، انہیں اس کا خمیازہ بھی بھگتنا پڑتا ہے، کشمیر میں انسانیت زندہ رہنی چاہیئے۔ وہاں انسانی جانوں کے ضیاع پر دکھ ہوتا ہے۔