QR Code

عمران خان کی حکومت بلدیاتی انتخابات نہیں جیت سکے گی، منظور حسین وسان

23 Dec 2018 00:12

اپنے ایک بیان میں پی پی رہنما نے کہا کہ ہمارے لئے عمران خان دشواریاں تو پیدا کر رہے ہیں لیکن 2020ء عمران خان کے لئے بھی اچھا نہیں ہوگا، نیب اور حکومتی گٹھ جوڑ کے باوجود عمران خان کے بندے بھی پکڑ میں آئیں گے، کل کوئی ایسا دن آئے گا کہ عمران خان خود بھی روئے گا کہ میرے ساتھ کیا ہوا اور یہ کیوں کیا جارہا ہے۔

اسلام ٹائمز۔ پیپلز پارٹی کے سینئر رہنما منظور حسین وسان نے پیپلز پارٹی مخالف عمران خان کے لئے نیا خواب دیکھ لیا کہتے ہیں کہ ملکی تاریخ سازشوں سے بھری پڑی ہے، عمران خان کی حکومت بلدیاتی انتخابات نہیں جیت سکے گی، تحریک انصاف کی حکومت اداروں کے ساتھ مل کر دوسروں کے لئے دشواریاں تو پیدا کر رہی ہے لیکن 2020ء عمران خان کے لئے بھی اچھا نہیں ہوگا۔ اپنے ایک بیان میں منظور وسان کا کہنا ہے کہ ہمارے لئے عمران خان دشواریاں تو پیدا کر رہے ہیں لیکن 2020ء عمران خان کے لئے بھی اچھا نہیں ہوگا، نیب اور حکومتی گٹھ جوڑ کے باوجود عمران خان کے بندے بھی پکڑ میں آئیں گے، کل کوئی ایسا دن آئے گا کہ عمران خان خود بھی روئے گا کہ میرے ساتھ کیا ہوا اور یہ کیوں کیا جارہا ہے۔ انہوں نے کہا کہ پاکستان کی تاریخ سازشوں سے بھری پڑی ہے، جس طرح کے ہتھکنڈے حکومت استعمال کرے گی یہ انکے لئے بھی فائدہ مند نہیں ہوگا۔

منظور وسان کا کہنا ہے کہ 2019ء حکومت کا سال ہے اس میں وہ حزب اختلاف کی جماعتوں کے خلاف انتقامی کاروائیاں کریں گے مگر عمران خان کا مقصد پورا نہیں ہوگا، عمران خان کو سوچنا چاہیئے کہ وہ کہیں جمہوریت کو نقصان نہ دے۔ انہوں نے کہا کہ پیپلز پارٹی کی قیادت کے خلاف انتقامی کاروائیاں نئی بات نہیں ہے، حکومت مخالف جماعتوں کے خلاف انتقامی کاروائیوں سے حکومت کامیاب نہیں ہوگی، ہم چاہتے ہیں کہ جمہوریت چلے اور حکومت اپنی مدت پوری کرے، مگر عمران خان نہیں چاہتے کہ جمہوریت چلے اور حکومت مدت پوری کرے، عمران خان کسی اور طریقے سے اقتدار میں رہنا چاہتے ہیں مگر اس کا خواب کبھی پورا نہیں ہوگا۔

خبر کا کوڈ: 768165