QR Code

پنجاب اسمبلی میں قائد حزب اختلاف حمزہ شہباز کو نیب کی جانب سے طلبی کا نوٹس

26 Dec 2018 10:26

سابق وزیراعلیٰ پنجاب کے بیٹوں کے خلاف غیر قانونی پل اور 56 کمپنیوں سے مبینہ تعلق کی تحقیقات بھی جاری ہیں، جس کی بناء پر نیب نے گزشتہ ماہ ان کا نام ایگزٹ کنٹرول لسٹ (ای سی ایل) میں ڈالنے کی سفارش کی تھی۔

اسلام ٹائمز۔ قومی احتساب بیورو نے پنجاب اسمبلی میں قائد حزب اختلاف حمزہ شہباز کو آج طلب کر لیا ہے۔ ذرائع کے مطابق نیب لاہور نے حمزہ شہباز کو دوپہر ایک بجے پیش ہونے کا نوٹس جاری کیا ہے۔ یاد رہے کہ حمزہ شہباز صاف پانی کمپنی اور آمدن سے زائد اثاثہ کی تحقیقات میں پہلے بھی پیش ہوچکے ہیں، جب کہ گزشتہ دنوں انہیں لاہور ایئرپورٹ پر نام بلیک لسٹ ہونے کی وجہ سے بیرون ملک جانے سے روک دیا تھا۔ واضح رہے کہ نیب حمزہ شہباز کے خلاف آمدن سے زائد اثاثوں کے کیس کی تحقیقات کر رہا ہے، جس میں گرفتاری سے بچنے کے لیے انہوں نے حفاظتی ضمانت بھی کرائی تھی۔ علاوہ ازیں حمزہ شہباز اور ان کے بھائی سلمان شہباز کے خلاف غیر قانونی پل اور 56 کمپنیوں سے مبینہ تعلق کی تحقیقات بھی جاری ہیں، جس کی بناء پر نیب نے گزشتہ ماہ ان کا نام ایگزٹ کنٹرول لسٹ (ای سی ایل) میں ڈالنے کی سفارش کی تھی۔
 

خبر کا کوڈ: 768669