QR Code

پیپلز پارٹی کا علیم خان کرپشن کیس میں وزیراعظم عمران خٓن کو بھی شاملِ تفتیش کرنیکا مطالبہ

6 Feb 2019 19:34

اپنے ایک بیان میں پیپلز پارٹی کے مرکزی رہنما مولا بخش چانڈیو نے کہا کہ عمران خان کے کچن سے لے کر گاڑیوں، جہاز اور ہیلی کاپٹر کا خرچہ بھی علیم خان دیتے رہے ہیں، پوری دنیا کو پتا ہے کہ علیم خان وزیراعظم عمران خان کے خرچے اٹھاتے رہے ہیں۔

اسلام ٹائمز۔ پیپلز پارٹی کے مرکزی رہنما مولا بخش چانڈیو نے علیم خان کرپشن کیس میں وزیراعظم عمران خان کو بھی شامل تفتیش کرنے کا مطالبہ کیا ہے۔ ایک بیان میں مولا بخش چانڈیو کا کہنا تھا کہ اگر علیم خان پر کرپشن یا ناجائز اثاثوں کا الزام ہے، تو عمران خان بھی اس زد میں آتے ہیں، شوکت خانم، نمل اور تحریک انصاف کو بھی علیم خان کروڑوں روپے سالانہ چندہ دیتے ہیں۔ ان کا کہنا تھا کہ عمران خان کے کچن سے لے کر گاڑیوں، جہاز اور ہیلی کاپٹر کا خرچہ بھی علیم خان دیتے رہے ہیں، پوری دنیا کو پتا ہے کہ علیم خان وزیراعظم عمران خان کے خرچے اٹھاتے رہے ہیں، لہٰذا علیم خان کرپشن کیس میں وزیراعظم عمران خان کو شامل تفتیش کیا جائے۔

خبر کا کوڈ: 776542