اسلام ٹائمز - سیئول میں کشمیریوں سے اظہار یکجہتی کیلئے سیمینار

سیئول میں کشمیریوں سے اظہار یکجہتی کیلئے سیمینار

تقریب میں مختلف ممالک کے ملٹری اور ڈیفنس اتاشیوں کے علاوہ کثیر تعداد میں کورین اور پاکستانیوں نے شرکت کی اور کشمیر میں جاری بھارتی مظالم کے خلاف اپنا احتجاج ریکارڈ کرایا۔

اسلام ٹائمز۔ سیئول میں پاکستانی سفارت خانہ نے کشمیریوں کے ساتھ اظہار یکجہتی کیلئے ایک سیمینار منعقد کیا جس میں International Humanitarian Laws کی روشنی میں نہتے کشمیری بچوں، بوڑھوں، جوانوں اور خواتین کیخلاف بھارتی افواج کی طرف سے پیلٹ گن استعمال کرنے کی بھرپور مذمت کی گئی۔ سیمینار سے خطاب کرتے ہوئے پروفیسر ڈاکٹر آصف قریشی، کوریا یونیورسٹی کے پروفیسر اور ماہرِ قانون پروفیسر ایرک لی اور سابق کورین سفیر ڈاکٹر ویجن لی نے International Humanitarian Laws کی روشنی میں ثابت کیا کے کشمیریوں کے خلاف پیلٹ گن کا استعمال ناصرف انسانیت سوز ہے بلکہ جنگی جرائم کے زُمرے میں آتا ہے۔ تقریب میں مختلف ممالک کے ملٹری اور ڈیفنس اتاشیوں کے علاوہ کثیر تعداد میں کورین اور پاکستانیوں نے شرکت کی اور کشمیر میں جاری بھارتی مظالم کے خلاف اپنا احتجاج ریکارڈ کرایا۔