QR Code
صاحبزادہ زبیر کی جے یو پی رہنماؤں کے خلاف جھوٹی ایف آئی آر درج کرنے کی مذمت
17 Feb 2019 19:03
ایک بیان میں سربراہ جے یو پی نورانی نے وزیر اعلیٰ سندھ سید مراد علی شاہ سے مطالبہ کیا ہے کہ جھوٹی ایف آئی آر درج کرنے والے پولیس اہلکاروں کے خلاف فوری کاروائی عمل میں لائی جائے اور پولیس کی جانب داری کا فوری نوٹس لیا جائے۔
اسلام ٹائمز۔ جمعیت علماء پاکستان و ملی یکجہتی کونسل کے صدر ڈاکٹر صاحبزادہ ابوالخیر محمد زبیر، مرکزی سیکریٹری اطلاعات ڈاکٹر محمد یونس دانش، سیکریٹری مالیات شاہد حسین اعوان، صوبائی صدر افتخار احمد عباسی، میاں منیر احمد جامی، قاضی احمد نورانی، ناظم علی آرائیں نے مشترکہ بیان میں جے یو پی سندھ کے نائب صدر مولانا معشوق علی مجددی، مولاناخدا بخش بروہی، مولوی محی الدین سیھٹرو کے خلاف تھانہ بھان سعید آباد میں جھوٹی ایف آئی آر درج کرنے کی شدید الفاظ میں مذمت کرتے ہوئے وزیراعلیٰ سندھ سید مراد علی شاہ سے مطالبہ کیا ہے کہ جھوٹی ایف آئی آر درج کرنے والے پولیس اہلکاروں کے خلاف فوری کاروائی عمل میں لائی جائے اور پولیس کی جانب داری کا فوری نوٹس لیا جائے۔ ان کا کہنا تھا کہ بھان سعید آباد تھانہ کو پولیس کی کالی بھیڑوں سے پاک کیا جائے جو پولیس کے ادارے کیلئے بدنامی کا باعث بن رہے ہیں، مولانا معشوق علی مجددی سمیت تمام افراد پر جھوٹے بے بنیاد مقدمات فوری ختم کئے جائیں۔
خبر کا کوڈ: 778545