QR Code

سینیٹ،اپوزیشن لیڈر تنازعہ،مسلم لیگ ن اور جے یو آئی کے مذاکرات ناکام

10 Jun 2011 21:42

اسلام ٹائمز:اجلاس کے بعد میڈیا سے گفتگو کرتے ہوئے راجہ ظفر الحق نے بتایا کہ چئیرمین سینیٹ کا کہنا تھا کہ وہ 13 جون سے اس معاملے پر بحث شروع کروانے کے بعد فیصلے پر نظرثانی کریں گے جبکہ ن لیگ نے مطالبہ کیا کہ وہ فیصلے پر نظرثانی کرنا چاہتے ہیں تو پہلے اسے غلط قرار دیں

اسلام آباد:اسلام ٹائمز۔ سینیٹ میں اپوزیشن لیڈر کے تنازعے پر مسلم لیگ ن اور جے یو آئی کے درمیان مذاکرات کا دوسرا دور بھی ناکام رہا۔ تنازعہ سلجھانے کیلئے مسلم لیگ نون اور جے یو آئی کے درمیان مذاکرات چیرمین سینیٹ فاروق ایچ نائیک کے چیمبر میں ہوئے۔ ن لیگ کی طرف سے راجہ ظفرالحق اور اسحاق ڈا ر اور جے یو آئی کے اعظم سواتی، مولانا گل نصیب خان اور طلحہ محمود نے مذاکرات میں حصہ لیا جبکہ حکومت کی نمائندگی چیرمین سینیٹ کے ساتھ قائد ایوان نئیر بخاری نے کی۔ اجلاس کے بعد میڈیا سے گفتگو کرتے ہوئے راجہ ظفر الحق نے بتایا کہ چئیرمین سینیٹ کا کہنا تھا کہ وہ 13 جون سے اس معاملے پر بحث شروع کروانے کے بعد فیصلے پر نظرثانی کریں گے جبکہ ن لیگ نے مطالبہ کیا کہ وہ فیصلے پر نظرثانی کرنا چاہتے ہیں تو پہلے اسے غلط قرار دیں۔

خبر کا کوڈ: 78024