QR Code

وزیراعظم عمران خان تین روزہ دورے پر 29 مارچ کو کراچی پہنچیں گے

19 Mar 2019 23:14

دورے میں اعلیٰ سطح اجلاس کی صدارت اور کراچی پیکج کا اعلان، جبکہ حیدرآباد میں یونیورسٹی کا سنگ بنیاد بھی رکھیں گے۔

اسلام ٹائمز۔ وزیراعظم عمران خان 29 مارچ کو کراچی پہنچیں گے، دورے میں اعلیٰ سطح اجلاس کی صدارت اور کراچی پیکج کا اعلان کریں گے، جبکہ حیدرآباد میں یونیورسٹی کا سنگ بنیاد بھی رکھیں گے۔ تفصیلات کے مطابق وزیراعظم عمران خان سندھ کا 3 روزہ دورہ کریں گے، اس سلسلے میں عمران خان 29 مارچ کو کراچی پہنچیں گے، جہاں وہ اعلیٰ سطح اجلاس کی صدارت کریں گے، جس میں امن و امان کی صورتحال پر غور کیا جائے گا۔ اجلاس میں وزیراعظم کو کراچی میں پی ایس ایل کے کامیاب انعقاد پر بریفنگ دی جائے گی، جبکہ عمران خان کراچی پیکج کا اعلان کریں گے۔ وزیراعظم 30 مارچ کو گھوٹکی میں جلسہ عام سے خطاب کریں گے اور حیدرآباد میں یونیورسٹی کا سنگ بنیاد بھی رکھیں گے۔

خبر کا کوڈ: 784215