QR Code

وفاق نے گلگت بلتستان کے اہم منصوبوں کیلئے بجٹ ایلوکیشن زیرو کر دیا، مشیر اطلاعات

22 Mar 2019 10:40

اپنے ایک بیان میں شمس میر کا کہنا تھا کہ گلگت بلتستان کے ترقیاتی بجٹ پر بھی وفاقی حکومت نے دو ارب روپے کا کٹ لگا دیا ہے۔

اسلام ٹائمز۔ مشیر اطلاعات گلگت بلتستان شمس میر نے کہا ہے کہ گورنر جی بی کا وفاقی حکومت کی جانب سے فنڈز نہ روکنے کے حوالے سے بیان حقائق کے منافی ہے، تحریک انصاف کی موجودہ وفاقی حکومت نے مسلم لیگ نون کے قائد محمد نواز شریف کی وفاقی حکومت کی جانب سے دیئے گئے منصوبے جن میں قراقرم انٹرنیشنل یونیورسٹی میں طالبعلموں کے لئے لیپ ٹاپ، مفت اعلیٰ تعلیم کے حصول کے لئے فنڈز، کارگاہ تا داریل روڑ کی تعمیر، میڈیکل کالج، عطاء آباد پاور پراجیکٹ، شغرتھنگ پاور پراجیکٹ، غواڑی پاور پراجیکٹ، گلگت بلتستان کے سیوریچ کے 7 ارب کے منصوبہ سمیت دیگر مفاد عامہ کے منصوبے جو پی ایس ڈی پی میں منظور ہوچکے تھے، ان سب منصوبوں کے لئے بجٹ ایلوکیشن زیرو کر دیا ہے۔ گورنر گلگت بلتستان بیانات دینے کے بجائے اپنی وفاقی حکومت سے ان اہم منصوبوں کے لئے فنڈز لائیں۔ انہوں نے کہا کہ گلگت بلتستان کے ترقیاتی بجٹ پر بھی وفاقی حکومت نے دو ارب روپے کا کٹ لگایا ہے۔

خبر کا کوڈ: 784564