QR Code

سرکاری تحویل میں لئے گئے کالعدم تنظیموں کے ادارے چلانے کیلئے فنڈز جاری

4 Apr 2019 13:11

محکمہ داخلہ نے سرکاری تحویل میں لئے گئے کالعدم تنظیموں کے اداروں کیلئے فنڈز جاری کر دئیے ہیں۔ محکمہ تعلیم کو 1126 ملین روپے اور محکمہ ہیلتھ کو 437 ملین روپے جاری کئے گئے ہیں۔ یہ گرانٹ، جیش محمد اور فلاح انسانیت فاونڈیشن کے اداروں کو چلانے کیلئے دی گئی ہے۔

اسلام ٹائمز۔ محکمہ داخلہ پنجاب نے کالعدم تنظیموں کے قبضے میں لئے گئے اداروں کو چلانے کیلئے بجٹ جاری کر دیا ہے۔ محکمہ داخلہ نے سرکاری تحویل  میں لئے گئے کالعدم تنظیموں کے اداروں کیلئے فنڈز جاری کر دئیے ہیں۔ محکمہ تعلیم کو 1126 ملین روپے اور محکمہ ہیلتھ کو 437 ملین روپے جاری کئے گئے ہیں۔ یہ گرانٹ، جیش محمد اور فلاح انسانیت فاونڈیشن  کے اداروں کو چلانے کیلئے دی گئی ہے۔ محکمہ ہیلتھ کو کالعدم تنظیموں کی ڈسپنسریاں اور ہسپتال چلانے کیلئے فنڈز دئیے گئے۔ محکمہ داخلہ کی جانب سے ہدایت کی گئی ہے کہ کالعدم تنظیموں کے قبضے میں لئے گئے اداروں کے کسی ملازم  کو فارغ نہیں کیا جائیگا اور نہ ہی طلباء کو کسی پریشانی سے دوچار ہونا پڑے گا۔ انہوں نے کہا کہ طلباء اپنی تعلیم جاری رکھیں۔
 

خبر کا کوڈ: 786842