QR Code

آصف زرداری کتنی ہی کوشش کریں ڈھیل نہیں ملے گی، حلیم عادل شیخ

4 Apr 2019 22:35

اپنے بیان میں تحریک انصاف سندھ کے قائم مقام صدر نے کہا کہ بھٹو کی برسی میں بھٹو کے علاوہ اسٹیج پر ہر رنگ نسل کا لٹیرا نظر آیا، محروم طبقات کے طبل بجانے والے سندھ کو لوٹنے میں ملوث ہیں۔

اسلام ٹائمز۔ پاکستان تحریک انصاف سندھ کے قائم مقام صدر و پارلیمانی لیڈر حلیم عادل شیخ کا کہنا ہے کہ شکست خوردہ سیاسی لیڈر بھٹو کی بجائے اپنا رونا رو رہے ہیں، آصف زرداری کی نوسربازیوں سے عوام واقف ہے، اسلام آباد شوق سے آئیں، کھانا اور کنٹینر ہمارا ہوگا۔ اپنے ایک بیان میں حلیم عادل شیخ نے کہا کہ جو لوگ اپنے پاؤں پر نہیں چل سکتے، وہ تحریک چلانے کی بات کر رہے ہیں، بلاول کی زبان اپنے والد کی سیاسی تربیت کا نتیجہ ہے۔ انہوں نے کہا کہ 18ویں ترمیم کوئی مقدس کتاب نہیں، چوری کرو پھر 18ویں ترمیم اور جمہوریت کے پیچھے چھپ جاؤ۔ انہوں نے کہا کہ بھٹو کی برسی میں بھٹو کے علاوہ اسٹیج پر ہر رنگ نسل کا لٹیرا نظر آیا، محروم طبقات کے طبل بجانے والے سندھ کو لوٹنے میں ملوث ہیں۔ حلیم عالد شیخ نے کہا کہ آصف زرداری کتنی کوشش کریں، ڈھیل نہیں ملنے والی ہے، سب کو ان کی کرپشن کی سزا ملے گی۔

خبر کا کوڈ: 786932