QR Code
نوشہرہ، ملزمان نے گھر میں گھس کر ایک شخص کو قتل کردیا
13 Apr 2019 14:46
پولیس کے مطابق ملزمان ارتکاب جرم کے بعد فرار ہونے میں کامیاب ہوگئے، ملزمان نے مقتول عثمان پر اپنے بھائی کے قتل کا دعویٰ کیا تھا۔
اسلام ٹائمز۔ نوشہرہ میں ملزمان نے گھر میں گھس کر ایک شخص کو قتل کردیا۔ ذرائع کے مطابق صحبت کلے زنڈو بانڈہ میں مسلح ملزمان نے بھائی کے قتل کا بدلہ لینے کیلئے عثمان نامی شخص کے گھر میں گھس کر اندھا دھند فائرنگ کردی۔ پولیس کے مطابق ملزمان کی فائرنگ سے عثمان جاں بحق دم توڑ گیا، جبکہ ملزمان ارتکاب جرم کے بعد فرار ہونے میں کامیاب ہوگئے۔ پولیس کے مطابق ملزمان نے مقتول عثمان پر اپنے بھائی کے قتل کا دعویٰ کیا تھا۔ ڈسٹرکٹ ہیڈکوارٹر ہسپتال نوشہرہ میں پوسٹ مارٹم کے بعد نعش ورثاء کے حوالے کردی گئی، جبکہ مقتول کے بھائی کی مدعیت میں محمد اور فضل محمد کے خلاف تھانہ رسالپور میں مقدمہ درج کر لیا گیا۔
خبر کا کوڈ: 788433