QR Code
خیبر پختونخوا کے مزید 2 بچوں میں پولیو وائرس کی تصدیق
23 Apr 2019 17:52
بنوں کے علاقہ کوٹ بیلہ کے رہائشی حمزہ میں پولیو وائرس کی تصدیق ہوگئی ہے، بچے کی عمر 22 ماہ بتائی جارہی ہے۔ دوسرا کیس قبائلی ضلع شمالی وزیرستان میں سامنے آیا ہے جس میں رضیہ نامی بچی میں پولیو وائرس پایا گیا ہے۔
اسلام ٹائمز۔ خیبر پختونخوا کے جنوبی اضلاع میں مزید 2 بچوں میں پولیو وائرس کی تصدیق ہوگئی، جس کے بعد رواں سال پولیو کیسز کی تعداد بڑھ کر 8 ہوگئی ہے۔ ایمرجنسی آپریشن سینٹر کے مطابق بنوں کے علاقہ کوٹ بیلہ کے رہائشی حمزہ میں پولیو وائرس کی تصدیق ہوگئی ہے، بچے کی عمر 22 ماہ بتائی جارہی ہے۔ دوسرا کیس قبائلی ضلع شمالی وزیرستان میں سامنے آیا ہے جس میں رضیہ نامی بچی میں پولیو وائرس پایا گیا ہے۔ تازہ ترین دو کیسز کے بعد خیبر پختونخوا میں رواں سال کے اندر پولیو کیسز کی تعداد بڑھ کر 8 ہوگئی ہے۔
خبر کا کوڈ: 790243