QR Code

مدارس کو وزارت تعلیم کے ماتحت کرنے کا اقدام خوش آئند ہے، عاصم مخدوم

1 May 2019 14:03

لاہور میں پریس کانفرنس سے خطاب میں کل مسالک علماء بورڈ کے چیئرمین کا کہنا تھا کہ ڈی جی آئی ایس پی آر نے ہمارے مطالبات کو اجاگر کیا، ہم بھی دینی مدارس کے حوالے سے یہی مطالبات گذشتہ کئی برسوں سے کر رہے ہیں کہ مدارس کی رجسٹریشن وزرات تعلیم کیساتھ کی جائے اور مدارس کے علما کی سند کو تعلیمی درجات کے تحت جاری کیا جائے۔

اسلام ٹائمز۔ ڈی جی آئی ایس پی آر کی حالیہ پریس کانفرنس پر سربراہ کل مسالک علما بورڈ مولانا عاصم مخدوم کی علمائے کرام کے ہمراہ پریس کانفرنس، ڈی جی آئی ایس پی آر کی جانب سے مدارس کو محکمہ تعلیم کیساتھ منسلک کرنے کے اعلان کی حمایت کا اعلان کر دیا۔ مولانا عاصم مخدوم کا کہنا تھا کہ ہم عرصے سے یہی مطالبہ کر رہے تھے کہ مدارس کو محکمہ تعلیم کیساتھ منسلک کرنے کیلئے عملدرآمد بھی کیا جائے۔ سربراہ کل مسالک علما بورڈ مولانا عاصم مخدوم نے علمائے کرام کے ہمراہ پریس کانفرنس کرتے ہوئے کہا  کہ ڈی جی آئی ایس پی آر کی مدارس سے متعلق تقریر کی حمایت کا اعلان کرتے ہیں۔
 
انہوں نے کہا کہ ڈی جی آئی ایس پی آر نے ہمارے مطالبات کو اجاگر کیا، ہم بھی دینی مدارس کے حوالے سے یہی مطالبات گذشتہ کئی برسوں سے کر رہے ہیں کہ مدارس کی رجسٹریشن وزرات تعلیم کیساتھ کی جائے اور مدارس کے علما کی سند کو تعلیمی درجات کے تحت جاری کیا جائے۔ انہوں نے مزید کہا کہ مدارس میں بھی یکساں نظام تعلیم ہونا چاہیئے، مدراس کو وزرات تعلیم کے تحت دینے کا مطالبہ ہمارا تھا، ہمیں اسے خوش آئند قرار دیتے ہیں، حکومت علمائے کرام کو اعتماد میں لے اور مشاورت کرے، مدارس کو وزرات تعلیم کیساتھ منسلک کرنے کے اعلان پر عملدرآمد بھی کیا جائے۔

خبر کا کوڈ: 791659