QR Code

کراچی میں لاپتہ افراد کی بازیابی کیلئے جاری دھرنے کی حمایت میں ملتان کی خواتین کل دھرنا دینگی

4 May 2019 19:10

اسلام ٹائمز سے گفتگو کرتے ہوئے دھرنا آرگنائزر کا کہنا تھا کہ ہم کراچی میں بیٹھنے والی اپنی مائوں، بہنوں اور بیٹیوں کے ساتھ ہیں، جب تک وہ بیٹھی ہیں، ہم بھی اپنا احتجاج ریکارڈ کرائیں گے۔

اسلام ٹائمز۔ کراچی میں صدر پاکستان کے گھر کے باہر لاپتہ افراد کے لواحقین کی جانب سے احتجاجی دھرنے سے اظہار یکجہتی کے طور ملتان کی خواتین اور بچے کل نواں شہر چوک پر احتجاجی دھرنا دیں گے، تفصیلات کے مطابق سکیورٹی اداروں اور ایجنسیوں کے ہاتھوں لاپتہ ہونے والے افراد کی فیملیز جو کہ اس وقت صدر پاکستان عارف علوی کی رہائش گاہ کے باہر آج سات دن سے احتجاجی دھرنا دیئے ہوئے اُن سے اظہار یکجہتی، آئین اور قانون کی پاسداری اور سکیورٹی ایجنسیز تک اپنی آواز پہنچانے کیلئے کل شام 5 بجے نواں شہر پر احتجاجی دھرنا دیا جائے گا، دھرنے میں خواتین کے علاوہ بچے بھی شرکت کریں گے۔ ذرائع کے مطابق اتوار کو دیا جانے والا دھرنا علامتی ہوگا۔ ''اسلام ٹائمز'' سے گفتگو کرتے ہوئے دھرنا آرگنائزر کا کہنا تھا کہ ہم کراچی میں بیٹھنے والی اپنی مائوں، بہنوں اور بیٹیوں کے ساتھ ہیں، جب تک وہ بیٹھی ہیں، ہم بھی اپنا احتجاج ریکارڈ کرائیں گے۔

خبر کا کوڈ: 792247