QR Code

آصف زرداری کیخلاف نیب مقدمات اور تحقیقات کی فہرست تیار

12 May 2019 14:57

سابق صدر آصف زرداری نے اپنے خلاف تمام نیب مقدمات کی تفصیلات کے لئے اسلام آباد ہائی کورٹ میں درخواست دائر کی تھی، جس پر عدالت عالیہ نے نیب سے جواب طلب کیا تھا۔

اسلام ٹائمز۔ نیب نے پیپلز پارٹی کے شریک چیئرمین آصف زرداری کے خلاف تمام کیسز اور انکوائریز کی فہرست تیار کرلی ہے جو رواں ہفتے اسلام آباد ہائی کورٹ میں پیش کی جائے گی۔ تفصیلات کے مطابق آصف زرداری نے اپنے خلاف تمام نیب مقدمات کی تفصیلات کے لئے اسلام آباد ہائی کورٹ میں درخواست دائر کی تھی، جس پر عدالت عالیہ نے نیب سے جواب طلب کیا تھا۔ عدالتی حکم کے مطابق نیب نے جواب تیار کر لیا ہے جس کے مطابق جعلی اکاؤنٹس کیس کی کل 22 انکوائریاں اور 6 انویسٹی گیشنز جاری ہیں۔ نیب جعلی اکاؤ نٹس کے 4 ریفرنس پہلے ہی احتساب عدالت میں دائر کر چکا، میگا منی لانڈرنگ، پنک ریزیڈنسی اور واٹر سپلائی اسکیموں کے ریفرنسز دائر ہو چکے جبکہ پارک لین، توشہ خانہ اور بلٹ پروف گاڑیوں کی انویسٹی گیشن جاری ہے۔ واضح رہے کہ آصف زرداری نے اب تک کُل 5 مقدمات میں ضمانت حاصل کر رکھی ہے۔

خبر کا کوڈ: 793786