QR Code

غیر ملکی زرمبادلہ کے ذخائر میں 18 کروڑ 78 لاکھ ڈالر کی کمی ریکارڈ

20 Jun 2019 22:01

اسٹیٹ بینک کے جاری کردہ اعداد و شمار کے مطابق 14 جون کو ختم ہونے والے ہفتے کے دوران مجموعی غیر ملکی زرمبادلہ کے ذخائر 14 ارب 63 کروڑ 91 لاکھ ڈالر رہے۔

اسلام ٹائمز۔ پاکستان کے غیر ملکی زرمبادلہ کے ذخائر میں گزشتہ ہفتے کے دوران 18 کروڑ 78 لاکھ ڈالر کی کمی ریکارڈ کی گئی، جس کے بعد زرمبادلہ کے مجموعی ذخائر 14 ارب 63 کروڑ 91 لاکھ ڈالر کی سطح پر آگئے۔ اسٹیٹ بینک آف پاکستان کے جاری کردہ اعداد و شمار کے مطابق 14 جون کو ختم ہونے والے ہفتے کے دوران مجموعی غیر ملکی زرمبادلہ کے ذخائر 14 ارب 63 کروڑ 91 لاکھ ڈالر رہے، جو اس سے گزشتہ ہفتے کے 14 ارب 82 کروڑ 69 لاکھ ڈالر کے مقابلے میں 18 کروڑ 78 لاکھ ڈالر کم ہوگئے ہیں، جس میں اسٹیٹ بینک کے ذخائر 20 کروڑ 27 لاکھ ڈالر کی کمی سے 7 ارب 60 کروڑ 45 لاکھ ڈالر ہوگئے ہیں، جبکہ اس کے مقابلے میں دیگر کمرشل بینکوں کے ذخائر ایک کروڑ 49 لاکھ ڈالر کے اضافے سے 7 ارب 1 کروڑ 97 لاکھ ڈالر ہوگئے ہیں۔ مرکزی بینک کے مطابق بیرونی ادائیگیوں کی وجہ سے گزشتہ ہفتے زرمبادلہ کے ذخائر میں کمی آئی ہے۔

خبر کا کوڈ: 800637