QR Code

امریکی سیکیورٹی اتھارٹی پاکستان کے ایئرپورٹس کا دورہ کریگی

21 Jun 2019 23:51

ٹی ایس اے کے دورے کا مقصد پاکستان سے امریکا کیلئے براہ راست شروع ہونے والی پروازوں سے متعلق جائزہ بھی لینا ہے۔

اسلام ٹائمز۔ پاکستان سے امریکا کیلئے براہ راست پروازیں شروع کرنے کیلئے اقدامات کا آغاز کر دیا گیا ہے، اس سلسلے میں امریکا کی ٹرانسپورٹ سیکیورٹی اتھارٹی ملک کے مختلف ایئرپورٹس کا دورہ کرکے حفاظتی انتطامات کا جائزہ لے گی۔ تفصیلات کے مطابق امریکا کی ہوم لینڈ سیکیورٹی نے پاکستان کے دورے کا امکان ظاہر کیا ہے، میڈیا رپورٹس کے مطابق امریکی ٹرانسپورٹ سیکیورٹی اتھارٹی (ٹی ایس اے) پاکستان کے اہم بڑے انٹرنیشنل ایئرپورٹس کا دورہ کرے گی۔ ٹی ایس اے اسلام آباد، لاہور اور کراچی ایئرپورٹس پر مسافروں ان کے سامان، اسکریننگ اور دیگر سیکیورٹی آلات کی جانچ کرے گی، اس کے علاوہ ٹرانسپورٹ سیکیورٹی اتھارٹی ایئرپورٹس پر سیکیورٹی کے حوالے سے نصب آلات کا بھی جائزہ لے گی۔ ٹی ایس اے کے دورے کا مقصد پاکستان سے امریکا کیلئے براہ راست شروع ہونے والی پروازوں سے متعلق جائزہ بھی لینا ہے۔ پاکستان سے امریکا کیلئے براہ راست شروع ہونے والی پروازوں کی جانچ کا مقصد سیکیورٹی کے معاملات کو بہتر انداز میں سرانجام دینا ہے۔

خبر کا کوڈ: 800793