اسلام ٹائمز - کراچی، مشترکہ آپریشن میں 3 دہشتگرد ہلاک

ایس ایس پی ملیر عرفان بہادر کے مطابق دہشت گردوں کے قبضے سے ایک خودکش جیکٹ اور بھاری اسلحہ برآمد ہوا ہے۔ انہوں نے بتایا کہ رات کے اندھیرے کا فائدہ اٹھاتے ہوئے 2 ملزمان فرار ہونے میں کامیاب ہو گئے جن کی تلاش جاری ہے۔

اسلام ٹائمز۔ کراچی سائٹ سپر ہائی وے ناردرن بائی پاس کے قریب خدا بخش گوٹھ میں پولیس اور حساس اداروں نے مشترکہ آپریشن کے دوران 3 دہشت گردوں کو ہلاک کر دیا جبکہ 2 فرار ہو گئے۔ پولیس نے دعویٰ کیا ہے کہ آپریشن کے دوران وہاں موجود دہشت گردوں نے پولیس پر فائرنگ کی، پولیس کی جوابی کارروائی میں 3 دہشت گرد مارے گئے۔ ایس ایس پی ملیر عرفان بہادر کے مطابق دہشت گردوں کے قبضے سے ایک خودکش جیکٹ اور بھاری اسلحہ برآمد ہوا ہے۔ انہوں نے بتایا کہ رات کے اندھیرے کا فائدہ اٹھاتے ہوئے 2 ملزمان فرار ہونے میں کامیاب ہو گئے جن کی تلاش جاری ہے۔ ایس ایس پی ملیر کا مزید کہنا ہے کہ ملزمان کراچی میں دہشت گردی کی منصوبہ بندی کر رہے تھے۔ مقابلے میں ہلاک ہونے والے دہشت گردوں کی لاشوں کو عباسی شہید اسپتال منتقل کر دیا گیا ہے۔