QR Code

باراک اوباما کل افغانستان سے فوج کی کمی کا اعلان کریں گے

21 Jun 2011 12:16

اسلام ٹائمز:وائٹ ہاوس کے ترجمان جے کارنے کے مطابق صدر اوباما افغانستان میں فوج کی تعداد میں کمی کے متعلق فیصلے کو حتمی شکل دے رہے ہیں۔ ترجمان کا کہنا تھا کہ صدر فوج کے انخلاء کے حوالے سے مختلف آپشنز کا جائزہ لے رہے ہیں اور بہت جلد اعلان کریں گے

 واشنگٹن:اسلام ٹائمز۔ امریکی صدر باراک اوباما افغانستان میں فوج کی کمی کے بارے میں کل اہم اعلان کر رہے ہیں۔ غیر ملکی خبر رساں ایجنسی کے مطابق اگلے ماہ افغانستان سے امریکی فوج کی واپسی شروع ہو جائے گی اور صدر اوباما اس کا حتمی اعلان کل کریں گے۔ صدر اوباما یہ فیصلہ ملک کی اعلٰی قیادت کی مشاورت سے کریں گے۔ ذرائع کے مطابق امریکی انتظامیہ میں ابھی بھی فوج کے انخلاء کے معاملے پر مختلف آرا اور تحفظات موجود ہیں۔
 امریکی حکام کا کہنا ہے کہ بارک اوباما افغانستان میں فوج کی کمی سے متعلق اعلان بدھ کو کرسکتے ہیں۔ امریکی حکام کا کہنا ہے کہ صدر بارک اوباما آیندہ ماہ افغانستان سے فوج کے انخلا کے متعلق فیصلے کو حتمی شکل دے رہے ہیں۔ حکام کا کہنا ہے کہ فوج کی کمی سے متعلق اعلان بدھ کو متوقع ہے۔ امریکی ماہرین کا کہنا ہے کہ بارک اوباما 3 سے 5 ہزار فوج کی کمی کا اعلان کر سکتے ہیں۔ اس سے قبل واشنگٹن میں صحافیوں سے گفتگو کرتے ہوئے ترجمان وائٹ ہاوس جے کارنے کا کہنا تھا کہ کہ افغانستان میں فوج کی تعداد میں کمی کے متعلق فیصلے کو حتمی شکل دے رہے ہیں۔ ترجمان کا کہنا تھا کہ صدر فوج کے انخلاء کے حوالے سے مختلف آپشنز کا جائزہ لے رہے ہیں اور بہت جلد اعلان کریں گے۔

خبر کا کوڈ: 80191