QR Code
حکومت کشمیری عوام کی ترجمانی کرنے والوں کیخلاف برسر جنگ ہے، سید علی گیلانی
28 Jun 2019 17:08
حریت کانفرنس (گ) کے چیئرمین نے نماز جمعہ کے بعد پُرامن احتجاج کرنے کیلئے جملہ ائمہ اور خطیب حضرات سے بھی اپیل دہرائی۔
اسلام ٹائمز۔ جموں و کشمیر کل جماعتی حریت کانفرنس (گ) کے چیئرمین سید علی شاہ گیلانی نے محبوس علیحدگی پسند لیڈران اور کارکنان کی غیر قانونی نظربندی کو طول دینے اور جیل میں کئی قائدین اور کارکنان کی بگڑتی صحت پر تشویش کا اظہار کیا۔ انہوں نے پوری وادی کشمیر اور پاکستانی زیر انتظام کشمیر میں 28 جون نماز جمعہ کے بعد جملہ سیاسی قیدیوں کی رہائی کے حق میں پُرامن احتجاج کرنے کی اپیل کی ہے۔
سید علی شاہ گیلانی نے کہا کہ بھارتی حکومت غیر جمہوری، غیر انسانی اور غیر اخلاقی طرزِ عمل اختیار کرکے کشمیری عوام کی ترجمانی کرنے والی سیاسی قیادت کے خلاف عملاً برسرِ جنگ ہے۔ حریت کانفرنس (گ) کے چیئرمین نے نماز جمعہ کے بعد پُرامن احتجاج کرنے کے لئے جملہ ائمہ اور خطیب حضرات سے بھی اپیل کرتے ہوئے کہا کہ ہم پر یہ فرض عائد ہوتا ہے ہم اس تاناشاہی کے خلاف برس ہا برس سے جیلوں میں سڑائے جارہے قوم کے اس سرمایہ کے حق میں اپنی آواز بلند کریں۔
خبر کا کوڈ: 801990