QR Code

عرفان صدیقی کی گرفتاری سے حکومت کو کوئی فائدہ نہیں، اعجاز شاہ

28 Jul 2019 10:40

نجی نیوز چینل سے بات چیت کرتے ہوئے وزیر داخلہ کا کہنا تھا کہ لگتا ہے عرفان صدیقی کو مسلم لیگ (ن) نے ہی گرفتار کرایا ہے، انہوں نے کہا کہ معلوم کرانا پڑے گا کہ ذمے دار کون ہے۔

اسلام ٹائمز۔ وفاقی وزیر داخلہ اعجاز شاہ نے کہا ہے کہ معروف کالم نگار اور ادیب عرفان صدیقی کی گرفتاری جس نے بھی کی ہے، اس نے تحریک انصاف کا فائدہ نہیں کیا۔ سابق وزیر اعظم نواز شریف کے معاون خصوصی اور نامور صحافی عرفان صدیقی کی گرفتاری سے متعلق نجی نیوز چینل سے بات چیت کرتے ہوئے وزیر داخلہ کا کہنا تھا کہ لگتا ہے عرفان صدیقی کو مسلم لیگ (ن) نے ہی گرفتار کرایا ہے، انہوں نے کہا کہ معلوم کرانا پڑے گا کہ ذمے دار کون ہے۔
 

خبر کا کوڈ: 807536