QR Code

قبائل نے جشن آزادی کشمیریوں سے اظہار یکجہتی کے طور پہ منایا

14 Aug 2019 17:06

ضم شدہ قبائلی تحصیل درازندہ میں ڈپٹی کمشنر ڈیرہ محمد عمیر کی خصوصی ہدایت پر اسسٹنٹ کمشنر تحصیل درازندہ سمیع اللہ خان کی قیادت میں تقریب اور ریلی کا انعقاد کیا گیا، جس میں سکول و کالج کے طلباء، علمائے کرام اور عمائدین علاقہ نے خصوصی شرکت کی۔

اسلام ٹائمز۔ ملک بھر کی طرح ضم شدہ قبائلی اضلاع میں بھی یوم آزادی مظلوم کشمیری بھائیوں سے یک جہتی کے اظہار کے طور پر منایا گیا، اس مناسبت سے ضم شدہ قبائلی تحصیل درازندہ میں ڈپٹی کمشنر ڈیرہ محمد عمیر کی خصوصی ہدایت پر اسسٹنٹ کمشنر تحصیل درازندہ سمیع اللہ خان کی قیادت میں تقریب اور ریلی کا انعقاد کیا گیا، جس میں سکول و کالج کے طلباء، علمائے کرام اور عمائدین علاقہ نے خصوصی شرکت کی۔ عید ملن پارٹی اور یوم آزادی کی تقریب سے  خطاب کرتے ہوئے اسسٹنٹ کمشنر تحصیل درازندہ سمیع اللہ خان نے کہا کہ یہ آزادی کسی نعمت سے کم نہیں ہے، پاکستان کی آزادی اور کشمیری مسلمانوں کے حقوق کے تحفظ میں قبائیلیوں نے پاک فوج کے شانہ بشانہ کردار ادا کیا۔ دعا گو ہوں کہ قوم اسی طرح خوشیاں مناتی رہے اور پاکستان کا ہر شخص، ہر بچہ اپنے کشمیر ی بہن بھائیوں کے ساتھ کھڑا ہے۔ اس موقع پر کشمیری بھائیوں سے اظہار یک جہتی کیلئے خصوصی واک کا بھی انعقاد کیا گیا۔

خبر کا کوڈ: 810487